الثلاثاء، 24 يونيو، 2014

زلابية

زلابية 
 
مكونات

كاس الطحين
معلقة كبيرة الخميرة حبيبات
معلقة صغيرة السكر
رشة ملح
2معالق مشورب غازي باللون احمر او اصفر
ملون غدائي باللون احمر او اصفر (وممكن نخلوها بيضة )
الحليب
الزيت للقلي
والعسل 

الطريقة 
تنعمل الملون الغدائي في المشروب الغازي ونمزجهم مع بعضهم جيدا
في اناء غارق تنعمل الطحين لخميرة الملح السكر النخلطهم ونضيف عليهم خليط المشروب غازي والملون
ونبدء نضيف لحليب شوية بشوية وانا تنخلط بالخلاط يدوي لحين يصبح عندي خليط تقيل شويى على خليط البغرير
نترك الخليط يرتاح ويخمر على اقل 20دقيقة
تنفرغ الخليط في قرعة ديال الكاتشوب فارغة وتنبدء نعمل دائرة بطريقة عشوائية في الزيت اللى مسخن من قبل التحمر ونطفها مباشرة في لعسل والبصحة والراحة




ولا تنسونا من صالح الدعاء

الجمعة، 20 يونيو، 2014

بوشنيخة



اهلا ومرحبا بالجميع 
بوشنيحة ومن لا يعرفها هي من فصيلة الشباكية 
وهادي لا علاقة لها مع الشباكية لان مكونتها بساط وموجدين في كل بيت وبامكان لكل سيدة تحضرها وكهدا نقدرو نغير المداق الحلويات اللى تنحضر لان بعض الاخوات تيحضرها بمكونات الشباكية تبارك الله عليهم 
لكن هادي مدقها غيررر وممكن بعد ما نحضرها وتبرد نعملها في المجمد 


نبدو على بركة الله 


المكونات 
كيلو الطحين الابيض 
قبصة لخميرة 
قبصة الملح 
رابعة الزبدة مدوبة 
3 البيضات
ونصف لترو حليب (القدر اللى يجمع لينا العجين ممكن اكتر ممكن اقل على حسب نوعية الطحين)
 نصف كاس الماء الزهر 
شوية النافع والجنجلان محمرين 
(عملت مكونات بدون نافع ولا الجنجلان )
العسل 
الزيت للقلي
والجنجلان لتزين او اللوز مقلي ومهرمش 

الطريقة 
في عجانة او قصعة تنعمل الطحين ولخميرة والملح والبيض والماء الزهر والزبدة مدوبة والبيض (جميع مكونات)


تنجمع المكونات بالحليب كما سبق ودكرت نصف لترو ممكن نستعمله كامل وممكن لاء 
المهم العجين ما تكونش رطبة بززاف 

تندلكها شوية 


ونعمل منها كويرات كما هو واضح ونغطها ببلاستيك ونتركها ترتاح تقريبا 15لدقيقة على الاكتر 



تناخد حبة من العجين ونبسطها اولا بادي ومن بعد بالمدلك

تنعمل منها شرائط عريضة 

وندوزها في لاالة 
اولا في رقم 3وتانيا في رقم 2 واللى ما تتوفرش على هاد الالة ممكن تخدم بالمدلك 



من بعد تندوزها في الجهة اخرى من الالة 




هاد العملية تطلب يكون 2اشخاص 
بهاد العملية تنحصل على عجين مثل السباكيتي 
 وتنضغط عليه كما هو في الصورة وتنقطه بسكين 
ونوضعها في لاطة لحين انتهي من كمية العجين 


ونقلها في حمام زيت على نار متوسطة 



ونطفها في لعسل ونرشها بالجنجلان او اللوز 


وبالصحة والراحة 

والله يلغنا ويبلغكم رمضان يارب 

وما ننسش نشكرا صدقتي ام وليد اللى حضرت انا وهي هاد الوصفة 
بارك الله فيك عزيزتي 





















في امان الله 
ولا تنسونا من صالح الدعاء 



اامين ايـــــــــــــــــــــــــــــــــــارب العالمين 


ا


الثلاثاء، 17 يونيو، 2014

نصيحة جاري بها العمل


كيف حال الجميع ؟؟ 
هدي نصيحة تندكرها في بعض مواضعي حبيت اليوم نعملها موضوع مستقل 
المهم دائما تحت شعار حتى حاجة ما ضيع 
والحمد لله بزاف دالحدكات جربوها 

على بركة 

الطماطم هي من اهم الخضروات اللى تنستعملها يوميا في مختلف اطباقنا الحمد لله 
وتنقشرها وتنرمو لقشور 

حنا هنا ما نرموش لقشور غنحتفض بيهم مرة بعد مرة  يوم بعد يوم حتى نحصل على كمية مهمة  وحنا عملنهم طبعا في المجمد

تنعملها في طنجرة ونضيف ليها نصف كاس الماء ونعملها على نار لحين تنزل 


كما هكدا 
شوفو الفرق بين الصورتين 
تنحركهم شوية العملية الطهي ما تتعدش 15لدقيقة 


نتركه يبرد جيدااا 

 تنقسم الخليط وفي خلاط كهربائي تنطحن الكمية  جيداااا 

وتنصب الخليط في شبكة المطبخ يكون لعيون ديالها رقاق 



وتنخدم بهده الطريقة لحين يبقو عندنا غير قشور يابسين 


وهكدا تنحصل على خلاصة مركزة ديال الطماطم 


في بلاستيك المطبخ تنعمل كمية على حسب طلب 


في كل بلاستيكة تنعقدهم كما هو واضح 


ومباشرة الى المجمد 
ملاحضة مهمة 
يستحسن نزل كل بلاستيكة بعيدة عن اخرى ومنين يجمد نجمعهم مع باقي مكونات المجمد
هاد العملية تتجنب  بلاستيك ما يتقطعش  

وهكدا عندنا طماطم باقل تكلفة وممكن نستعملها في اي شيئ 
وصدقوني انها تتجي بها الشوربة المغربية ممتازة مع اضافة القليل من مركز طبعا
وبيتزا والقطاني والكسكس المهم 
طماطم لكل احتيجاتك سيدتي باقل تكلفة 
ودائما تحت شعار 
حتى حاجة المضيع 


في امان الله 





مربى المشماش بطريقة مضمونة




اهلا وسهلا بالحميع بما ان وقت المشماش هدا ومتوفر باتمنة مناسبة 
غندي نقدم ليكم مربى ديالو 
على بركة الله 
حجتنا الى 
كيلو مشماش منضف ومزول ليه لعضم 
ونصف كمية سكرحبيبات  (سنيدة) 
كيس فاني 
معلقة كبيرة الماء الزهر 

الطريقة 
في كسرولة تنعمل المشماش بعد ما زولنا له العضم نضيف له السكر ناقص تقريبا 100gنحتفض بها جانبا 
ونحرك السكر والمشماس 
ونترك على الاقل اربع ساعات على الاقل




حتى يفرز السائل كما هو واضح 


على نار متوسطة ومع التحريك مرة مرة  تنطيب المشماش  حتى يصبح عاقد  لكن ماشي بزززاف ونحرص ما يتغيرش اللون ديالو 




السكر 100Gاللى حتفضنا بها من قبل تنضيف لها الفاني والماء الزهر 



وتنضيف للمربى اللى حضرنا وهو مازال فوق النار تنحرك الكل جيدل لمدة دقيقتين ونزولو من على النار 


وها هو جاهز نتركه يبرد جيدا وتنعمله في قرعات الزجاج ونعقمه
و ممكن نحتفض به لمدة سنة بدون ما نوضعه في الثلاجة طبعا بعد ما عقمنه بالطريقة اللى سبق ونزلتها 















بالصحة والراحة 

لا تنسونا من صالح الدعاء ولكم بالمثل مسبقا 





الأربعاء، 11 يونيو، 2014

رغايف معمر بطريقة ساهلة



هدا رغايف بطريقة ساهلة وممكن نحتفض به في المجمد كيبقى ممتاز وعند تسخنه و تقدمه كما لو انه حالي التحضير 



على بركة الله 

الحشوة
2-حبات جزر مقشرين ومبشورين 
2-حبات كورجيت (الكوسة)منضفين ومبشورين كدلك 
حبة بصل مقطعة رقيقة 
ما يعادل 200Gللحم مفروم 
زيتون اخضر مقطع 
والربيع (القزبرة )مقطع رقيق 
الجبن احمر مبشور 
توابل حسب الرغبة استعملت (فلفل اسود ملح الصيني وملح سكنجبير وخرقوم البلدي والفلفل الحلو)

العجين 
 عجين رغايف المعتمد لديكم 

شخصيا هدا هو العجين معتمد عندي دائما نصف كمية الطحين الابيض نصفه قمح 
مثلا 
500Gطحين ابيض250G قمح القليل من الخميرة وملح  وملعقة سكر حبيبات وطبعا ماء دافئ للعجن 
نجمع مكونات للعجين بالماء الدافي وندلكها قليل ونتركها ترتاح 

نشرع في تحضير الحشوة في مقلة بها القليل من الزيت  وعلى نار متوسطة نضع البصل وملح ونحرك حتى يتغير لون البصل 
نضيف الكورجيت (الكوسة)والجزر مبشورين ونحرك الكل ونضيف التوابل ونضيف اللحم مفروم ونحرك لحين تستوى الحشوة جيدا 
واخير نضيف لها الزيتون والقزبرة بعد ما نرفعها من على النار نتركها تبرد جيدا كي لا تقطع لنا العجين 
من الافضل تحضير الحشوة اولا وبعدا نحضر العجين 


بعد ما تركنا العجين يرتاح تقريبا خمس دقائق نكون منه كويرات شيئا ما صغيرة كما هو واضح في الصورة نغطي الكويرات ببلاستيك 


ندهن سطح العمل بزيت فقط نبسط العجين حتى يصبح شفافا 
نرشه بالقيل من الجبن الاحمر مبشور 
ونطويها بالطريقة العادية كما لو اننا نحضر رغايف العادي 




هكدا لحين انتهاء الكمية ودائما نغطي العجين 

ناخد اول وحدة حضرنا ونبسطها 

نضع في وسطها القليل من الحشوة 

نجمع الروؤس العجين  كما يتضح في الصورة 


 هكدا ونضع زيتونة في الوسط 

ناخد صنية فرن ونصفف فيها الرغايف المحضر والى الفرن مباشرة



وبالف صحة وهنا على قلوبكم 



وايام مباركة ان شاء الله تقبل الله منا ومنكم صالح الاعمال يارب


اللهم بلغنا رمضان 






















في امان الله 
ولا تنسونا من صالح دعائكم