الاثنين، 14 يناير، 2013

اللوبيا البيضاء بالهوت دوك (hot dog )



تحية طيبة للجميع 
 بسم الله الرحمان الرحيم 

هادي طريقتي في تحضير اللوبيا البيضاء طريقة ممتازة والاطفال تتعجبهم قد ما تتعجب لكبار 

نبدو بسم الله مع السر اللى تيخلها تتجي اللديدة باي طريقة حضرنها بها 
والسر هو اننا منين نقعها في الماء من بعد ما نقوها ونغسلوها نرمو فيها ااالملح كما لو اننا غادي نطيبها هدا كيخلها تدخل ليها الملح الداخل ماشي فحال اللى طيبنها بالملح صافي 

طريقة ومكونات في نفس الوقت 



هنا عندنا اللوبيا منقوعة لليلة كاملة (الكمية حسب الرغبة) مع الماء اللى غادي طيب فيه طبعا 



تنعمل التوابل اللى هما 
ابزار +سكنجبير+الخرقوم البلادي+ شوووووووية الملح +الزيت نباتية



نحك زوج او ثلاثة الفصوم  الثوم 


تنضيف طماطم مركزة على الكمية المستعملة د اللوبيا (250غ اللوبيا= م.ك و1/2 من طماطم المركزة )




من بعد تنغلق الطنجرة ضغط ما يقارب 10 (هدا تيرجع النوع اللوبيا المستعملة ) ربما اقل او اكتر المهم طيب نصف طيبة 

هنا طابت نصف طيبة كما دكرت 



كنخلها على نار هادية ونمرو لتحضير هدوك 


كنقطعه كما هو واضح بشرط يكون رررررقيق  لانو مجرد ما تيحس بحرارة تيتنفخ أو بزاف 


وممكن نقطعه حتى على هاد الشكل 



تنعمل في الطنجرة 




تنضيف القزبر والمعدنوس 



نمزج الكل برفق

ونغلق الطنجرة لمدة لا تتعد 10دقايق فقط 


هنا طبق ديالنا وااجد تبارك الله 


بالف صحة وهنا على قلوبكم 































هناك تعليقان (2):

  1. السلام عليكم و رحمة الله و بركاته

    مممممم شحال عزيز عليا اللوبيا و هادي عندك باينة لديييييييييييدة الله يعطيك الصحة و تبارك الله عليك لهومتي

    ردحذف
  2. وعليكم السلام ورحمة الله وبركاتاه
    الله يبارك فيك احبيبة قلبي ربي يخليك ايوا انا في انتضار تطبيق وعندك لا تكلي شي صبع مورها ههههه احبك في لطوفتي وشتقيت ليك بزاف

    ردحذف