الاثنين، 20 يناير، 2014

طريقة تجميد لفوكا







بعد التحية والسلام 
بما ان في هاد الفترة لفوكا متوفرة  وبتمن مناسب عكس في بعض الفترات من السنة وخصوصا في رمضان الابرك ونفس الطريقة تيعتمدها اكبر المطاعم والفنادق 

على بركة الله 

اولا تنخد لفوكا وهي مازال قابطة في رسها يعني ما طيبش بزاااف 
وتنزلها في اي مكان في المطبخ لمدة يومين او 3ايام وما تخفوش منها وخا تكون قاصحة غير شروها رها تطيب بسرعة وتتكون ررائعة وخصوصا اللى تتكون القشرة ديالها عادية يعني ماشي اللى فيها كما حبيبات 
 المهم من بعد تنقشرها ونقطعها بشكل عشوائي 
وتنحتاج للحامض طري 



وتنعصر عليها الحامض مباشرة بعد ما قشرتها 

تنزلها في بلاطو مفرقة 
كما هو واضح 
وندخلها للمجمد ومنين تجمد 



تنجمعها في علاب بلاستيك او  بلاستيك غدائي الكمية اللى نحتاج في كل استعمال 
والكمية اللى نخرجنها من المجمد نستعملها كاملة 



هكدا تتبق عندنا لفوكا على طول العام الحمد لله 

وبصحتكم 
ولا تنسونا من صالح دعائكم 











في امان الله 


السبت، 11 يناير، 2014

الغريبة البلدية او البهلة

اهلا ومرحبا بالجميع نتمنى من الله تكونو كاملين بالف خير 
غريبة البلدية او بما تعرف عند بعض الناس بالبهلة هي من الحلويات المعروفة بمدقها الرائع وشكلها المميز وطريقة تحضرها الصعبة 
واليوم بادن الله نز ليكم احدى الطرق السهلة في تحضرها بدون تعب وبدون جهد والله يجزي الاخت حسناء لاني خديت الطريقة من موقها مع  تغير بسيط+اضافة بعض مكونات  

مكونات 
كاس زنجلان محمر مطحون( ممكن بلا ما طنحنه )
كاس اللوز محمر ومطحون بقشور ديالو
150غ سكركلاصي
نصف رابعة الزبدة ما يعادي 125غ
نصف كاس الزبيب مرقد ومقطع رقيق 
كاس الزيت 
قبصة الملح
راس معلقة صغيرة من القرفة 
راس معلقة صغيرة القرنفل مدقوق (تيضيف لها مداق ررروعة)
2خمرات ما يعادل 18غ
الطحين حسب الخليط ما يتعدش 500غ (على حسب نوعية )
لعبار بأكاس العنبة 

الطريقة 

خدمت الزبدة وسكر كلاصي حتى صبح فحال لكريم وضفت الزيت خدمت الكل جيدا مرة اخرى
ضفت جميع مكونات بسثتناء الطحين ولخميرة 




وخدمة الخليط جيدا 



ضفت لخميرة والطحين بتدريج 


حتى صبحت تتجمع دلكتها مزيان  ما تعديتش 5دقايق 



جمعتها وعملتها في طنجرة ضغط وقفلت عليها وتركتها ترتاح مدة 5الساعات ممكن اقل  (  كان عندي الوقت  الكافي باش نتركها الوقت المدكور وكانت نتيجة ممتازة وهدا بلا ما دلكتها بزاف )




بعد دلك عملتها كويرات صغار  وصفتها في صنية بلا ما دهنتها (اي حلاوة فيها الزبدة ما تحتجش ندهنو الصنية ) وطيبتها  في فران مسخن مزيان  تطيب من الفوق هو الاول عاد من التحت 

وبالصحة والراحة 
والله يجزي كل من علمنا ياربي اامين 


لاتنسونا من صالح الدعاء ولكم بالمثل واكثر ان شاء الله 























































الاثنين، 6 يناير، 2014

كــــــــــــــــــورني بالدجاج



اهلا وسهلا ومرحبا بجميع من زارنا نورتو مدونتي المتواضعة 
على بركة الله اليوم غنقدم ليكم كورني معمر ببطاطا على شكل كورني اقل ما يقال عليه ررروعة ونتمنى تجربه وترد عليا لخبار

مكونات
اما لمقياس فهو تيرجع لعدد اشخاص ممكن تزيد ممكن تنقصو 

كفتة الدجاج 
البصلة مقطعة 
الثوم
المعدنوس والقزبر
ابزار
ملح
كامون
المهم اي توابل تتحبو ستعملهم وممكن تعملو شوية الحار حسب الرغبة
القليل من الزيت 
والزيت للقلي
خبز محمص
بيضة 

تنعودو نطحنو الكفتة مع البصلة والثومة والربيع 
ونضيف لها جميع الثوابل والزيت ونمزج الكل مزيان ونتركها على جنب على اقل ساعة 



من بعد ناخد 2حبات البطاطا ونسلقهم في ماء مالح 
نصفوها ونمعكها بشوكة مع  شوية الزبدة ونضيف لها القليل من ابزار 


نعمل منها حرابل بهاد الحجم



تنخدو القليل من الكفتةو نبصطها بهاد الشكل في الكف 



نوضعو فوقها البطاطا اللى حضرنا كما هو واضح



نجمع الكفتة هكدا


نجمعها كتر


ونشكلها على شكل كورني العملية ساهلة

هكدا حتى نكمل الكمية 



تنطرب بيضة في زلافة ونحضر الخبز المحمص ونعمل فيه القليل من الملح 


وتنبدأ نمرر لكورني في البيض 



والخبز محمص نخدم غير بالشوكات باش ما يضيعش لياالخبز



هكدا  حتى نكمل الكمية  ونوضعهم فوق ورق الزبدة او ورق سلفريزي 


و اخيرا نقليهم في حمام زيت حتى يتحمر للاشارة غيرنزلهم في الزيت بلاما ندورهم تيتحمر من الفوق والتحت بوحدهم وضروري النار تكون متوسطة 



قد ما هو طبق سهل قد ما هو ممتاز وتيحبه لكبار والصغار 





وتنزين تنحك اي نوع ديال الخضرة مثلا لمكور الخيزو البسباس القرعة.....
تنعمل راس الكورني في مايونيز او المطارد او الفرماج الكاس وتنمرر في الخضرة الى حضرت 


وبالف صحة وهنا 


لا تنسونا من صالح دعائكم ولكم بالمثل واكثر ان شاء الله 
















في امان الله