الثلاثاء، 5 نوفمبر، 2013

قريشلات عاشوراء





اول يوم فى السنة الجديدة ... اسأل الله رب 

العرش العظيم فى  ان يسخر لكم كل ما تتمنوا ... 

وان يفتح لكم أبواب الرزق

 من حيث لا تحتسبوا ... وان يطرح فى 

حياتكم بركة وسعادة لا تنتهى ... وان يبشركم بما 

طال انتظاره عاجل غير اجل

  وأمنيات تتحقق وراحة بال تدوم


 وسعادة تملأ أرواحكم وابتسامة لا تزول ...مسائكم  كالماء 

العذب يغسل 

كل ما يعكر صفو ايامكم .

عواشركم مبروكة ان شاء الله 


هدو قريشلات بمكونات بسيطة وبنفس العجين ممكن نعملهم مالحين ايضا 
ولكن نغير النافع والسكر وجنجلان بالملح ومطارد والفرماج نتجية مضمون في الوصفتين ان شاء الله 

على بركة الله 
المكونات 
4البيضات 
2كيسان الزيت
2كسان السكر سنيدة
كاس صغير جنجلان
شوية النافع او حبة حلاوة 
2خمرات
1/4 كاس الماء زهراو كيس بروح الزهر 
والطحين حسب الخليط (من نوع الجيد)
طريطقة الملح 

الطريقة 
طرقتي الخاصة تنعمل السكر البيض والزيت في اناء والنخلاط الكل بخلاط الكربائي حتى يتضاعف حجمهم

تنفرغ المحتوى في عجانة او قصرية ونضيف الماء الزهر وزنجلان والنافع ونمزج الكل جيدا 
نضيف الطحين بتدريج واخير الخميرة 

للاشارة هنا عملت غير نصف المكونات 



تنحصل على عجين رطب 


تنكون كويرات صغار ونكون منهم  حربلات بها هاكا 


نقطعهم بالسكين حاااد 


او نقطعهم في لاطة الفرن مباشرة بعد ما دهنتها بالزيت او نفرش فيهاورق الزبدة 



نفكك العجين كما هو واضح 


وممكن نخدم  بهاد الطريقة 





اللى حبيت نعملهم بزنجلان نفكك العجين ونعمل زنجلان في بلاستيكة ونرمي فيهم قطع العجين ونغلق لبلاستيكة ونحركها في التجهين 

 نزول منهم فائض زنجلان ونزلهم في لاطة وندخلهم للفرن مسخن من قبل ما تيحدش الوقت في الطياب 





وبالصحة والراحة 

لا تنسونا من صالح دعائكم ولكم بالمثل ان شاء الله 










سنة سعيدة وكل عام وانتم الى الله اقرب 









الجمعة، 1 نوفمبر، 2013

ڭراتان بالپات ودنجال


حياكم الله بالخير اتمنى من الله ان تكونو في أثم الصحة والسعادة وعطلة ونهاية اسبوع سعيدة ان شاء الله 

شهيوتنا اليوم شهيوة بسيطة ولكنها رائعة كما العادة البساطة والمعاصرة 

على بركة الله 

مكونات والطريقة في نفس الوقت 

2دنجلات متوسطات مقطعين بهاد الشكل طولي 


تندهنهم بالملح وتنعمل شريحة فوق من شريحة كما هو واضح 


ونتركهم جانبا 


تنحتجو ليبات من هاد النوع او من اي نوع اخر المهم بهادي تتجي مزيانة ولكم واسع النضر 


تنغلي الماء وتنعمل فيه الزيت والملح ونسلق ليبات ونصفها ونشللها بالماء باش ما تزيدش في طيبها وما تلسقش مع بعضها ونتركه حتى هي جانبا 


في اناء تنحك 4المطيشات (طماطم)
2فصوص الثوم 


وتنضيف التوابل اللى هي 
ابزار/القليل من الملح/الخروقم البلدي/التحميرة /وسكنجبير 2معالق من مركز الطماطم وطبعا الزيت غير شوية 
تنعمل الكل على نار متوسطة يطيب على خاطرة 


ومنين تصبح صلصة جاهزة تنضيف لها ورق موسى 


والربيع مقطع ونزولها من على النار 


تنخد الدنجال وتجبرو فحال هاكا



تنقطعو لمربعات ونقله في حمام زيت ممكن نمره في الطحين وممكن نقلوه مباشرة 




في مول خاص تنفرش القليل من صلصة ونوضع فوقها ليبات 


نرش القليل من الدنجال 


وصلصة والفرماج 


ونعاود طبقة اخرى بنفس الرتيب 


واخير تنحاول ندخل الصلصلة بعمل فجوات بالمعلقة كما في الصورة 


تنرشها بالفرماج وندخلها للفرن 


واخيراا هاكرتان ديالنا وااجد مممممممممم ياسلام 



بالصحة والراحة