الاثنين، 10 ديسمبر 2012

اسهل بيتزا وأروعهن



هادي بيتزا جربتها  لكن عملت بيتزا معتمدة عندي وضفت عليها البيض ولحليب  والفرماج  هدا هما مكونات  اللى عملت الاخت أم ملاك  الله يجزيها بالف خير وقد ما هي بسيطة وساهلة قد ما هي اللديدة و ضفت ليها فرماج سندويش وزيت الزيتون والفلفة ما طيبتهش وزيتون وكانت نتيجة مداق لا يقاوم هههههه نتمنى نتمنى تجربها 


بسم الله 

هدا  العجين من عجائن مختلفة اللى تنستعمل للبيتزا دائما وهو شبيه بالعجين لمرمل بما اننا عندي خليط سائل فضروري نعمل عجين واقف شيئا ما 
 اللى متكون من
300غ طحين 
100غ زبدة بحرارة المطبخ 
بيضة
قليل من زعتر
القليل من زيت زيتون
ملح 
والقليل من خميرة 
والماء بارد 

طريقة 

تنعمل اول حاجة الطحين وزبدة ملح زعتر ونرملهم برأس الاصابع ونترك العجين يرتاح لمدة 5دقايق 
من بعد تنضيف البيضة ونجمعها مع اضافة الماء للحصول على عجين متماسك ورطب كنترك يرتاح للمدة 30دقيقة قبا استعمال 

وللحشوة سنحتاج ان شاء الله 
بصلة مشحرة في زيت الزيتون 
فلفلة حمراء
زيتون اسود
كأس صغير حليب +3بيضات 
فرماج احمر مبشور+فرماج سندويش مقطع 
ملح ابزار ااكيد
والقليل من زيت الزيتون 
زعيترة 
وصلصة طماطم مخصصة لبيتزا 

صلصة طماطم ااكيد اللى ربما الكل تيعرف طريقة تحضرها 

وما فيها باس نعطيكم طرقتي وهي أكثر اقتصاد

طريقة تحضير صلصلة بيتزا 

كل مرة تنخدم بالطماطم كنحتفض بقشورها في مجمد  لحين نجمع كمية مهمة وكنعملها في كسرولة مع اضافة نصف كأس الماء ونتركها فوق نار متوسطة لمدة10دقائق
 ونتركها تبرد وكنطحنها في خلاط كهربائي ونصفها جيدا في شبكة رقيقة للمطبخ ونرجعها للكسرولة ونضيف ليها زعتيرة ولحبق ملح ابزار زيت زيتون نخليها طيب على نار مهيلة منين تتبان ليا شربات وتقالة تنضيف ليها طماطم المركزة ونزولها من على النار ومنين تتبرد تنعملها  في بلاستيكات ونرمها في المجمد هاكا صلصلة بيتزا دائما عندي وممكن نستعملها حتى ليباط 


ملاحضة

اي كمية خرجنها من المجمد ضروري ومأكد لاز تستهلاك كاملة بدون ما نردو الباقي للمجدة مرة اخرى 

من بعد ما حضرنا البصلة وصلصة
كنبسط العجين ونعمل في مول مخصص للبيتزابعد ما دهنتو ااكيد مع عمل ثقوب بالشكوة كما هو واضح


كنعمل كطبقة اولة صلصة ومن بعدها البصلة كما هو واضح 






ممكن نعملها في قوالب فردية 


في اناء تنعمل البيض كنطرب جيدا ونضيف ليه ملح ابزار 


وكنضيف كدلك  لحليب 


الفرماج مبشور وزيت الزيتون 


وزعيترة ونخدم الكل جيدا 


واخيرا تنضيف فرماج سندويش مقطع ونمزج الكل مرة اخيرة 


ونبدء نصب الخليط سائل على مكونات سابقة اللى حضرت 



ونزينها بالطريقة اللى حبينا 

هنا عملت الفلفة وزيتون اسود 

ودخلتها للفرن سخون من قبل ومنين تطيب تنرشها بالقيل من فرماج مبشور رقيق كتزين 



وبالف صحة وهنا على قلوبكم