السبت، 26 أكتوبر 2013

الكيش بالطون وصلصة البشاميل



تحية طيبة للجميع تحية كلها حب وتقدير تحية كلها شكر لكل من تقول كلمة طيبة في حقي وحق المدونة 
يعجز لساني على تعبير صدقوني كل ما اجد تعلقتكن الرائعة لا في الفيس ولا في منتدى للاة مولاتي ولافي اي منتدى غاليتي جزاكن الله الف خير ووفقكن 


بسم الله 

هدا الكيش ما نقولكمش عليه بصراحة رروعة ررروعة 
نعطيكم مكونات والطريقة في نفس الوقت ان شاء الله 

دائما تنحضر الكيش بالعجين مرمل وانتن لكن اختيار ستعملو العجين المفضل عندكم 


250غ الطحين 
125غ الزبدة بحرارة المطبخ 
القليل من لخميرة المعجونة 
بيضة 
ملح 
قليل من الماء 

تنمزج الطحين والخميرة والزبد وملح حتى نحصل على عجين  مرمل ونترك تقربنا 5دقايق 

من بعد تنضيف البيضة ونمزج الكل وتنضيف شوية الماء اللى بقات ليا لعجينة ما مامجموعش 

وما ندلكهش غير نخلطها ونتركها في التلاجة ترتاح 30دقيقة

وتنمشي نحضر الحشوة في مقلة تنحمر البصلة بعد ما قطعتها الرقيقة في بالزيت  الطون اللى زولت من العلب وملح وابزار 

ومن  بعد ما تطيب تنتركها تبرد شوية با شما تقطعش ليا العجينة 

وتنحضر الفطر من بعد ما عملتو في الماء ساااخن حتى صبح جاهز للاستعمال وقطعتو حتى هو 

تنصفي زوج العلبات الطون من الزيت وهو اللى طيبت فيه البصلة (تحت شعار حتى حاجة ما ضيع )

تنمزج الحشوة مع  اضافة القليل من زعيترة عوض الكوزة وممكن نتما تستعملوها ادا كانت مفضلة عندكم طبعا 

بعد مرور اوقت المدكور تنخد العجين ونبسط وندهن المول مخصص للكيش بالزبدة ونرش بالطحين ونزل فيه العجين ونزول الفائض (ونحتفض به في المجمد لحين نجمع كمية مهمة ونستعملها ان شاء الله )


وتنحضر صلصة البشاميل 

تنضن الكل عارف الطريقة ومكونات بلا ما نضيع الحجرة ختكم فيها الموت د النعاس  ههههه 

بعد ما نكون بسطت العجين في المول تضيف فوقها الحشوة وتنرش بالقليل من الفرماج احمر مبشور 

وما قبل اخير تنضيف صلصة البشاميل ونسرحها بطريقة متساوية فوق من الحشوة  وندخلها للفرن يكون مسخن من قبل لحين الطيب 
 اخير الفرماج على وجها وندخلها يدوب 




وها هو الكيش ديالنا شهوة منوووووووووو 
يستحق التجربة 

لاشارة هاد الحشوة هي بأصل فيها الطون والبصلة وصلصة بالشاميل والكوزة وهي للاختى وصدقتي ريحانة كمال ربي يحفضها 

انا عملت تغيروأضافة  وكانت نتيجة جدا رررائعة  وانا متاكد
 لو عملتها بنفس مكونات  لختى ريحانة كانت غادي تكون نتيجة هي هي وهي انها رروعة هههههههه 

بالصحة والراحة 







عربون حب وتقدير لصديقات المدوتة 





الجمعة، 25 أكتوبر 2013

اللحم مبخر فحال الزبدة



صباح جديد صباح جميل صباح كله امل وتفاؤل إن شاء الله وجمعة 


مباركة للجميع 


تحت طلب احدى اخوات نزلت هاد الوصفة اهداء للجميع نتمنى 


نكون عند حسن ضنكم غاليتي 


على بركة الله 

عرفتو اسهل وابسط واطيب وألد طابق عندي هو هدا الانو ما 

تيعدبنيش ههههه تنعمل على النار ونمشي نقضي شغلي 

مكونات 

المهم حجتنا للحم طبعا 

ملح 

ابزار 

كامون 

بصلة 

قبطة الربيه مخلطة 

خضر حسب الرغبة

والماء 

الطريقة 

تنخدو اللحم ويفضل يكون طريفات ما فهمش الشحمة بزاف 


                     تنرشو اللحم  بالملح ابزار والكامون ونبدو ندخلو 

                        التوابل في اللحم  بطريقة الدلك 






تنكون من قبل حضرت الماء سخون باش ما نضيعش الوقت 

في البرمة تنعمل الماء والبصلة مقطعة على 4 وقبطة الربيع هدا تيحد من رائحة اللحم في الدار +تيتنسم بيهم 

وتنعمل اللحم في كسكاس وتنغطيه وتنقص من درجة الحارة يعني النار تكون على حدها ناااااااااااااااااقصة 

تنحضر الخضرة ونتركها على جنب حتى نحس ان اللحم بدء تيطيب 


عاد نعمل الخضرة حتى هي رشتها بنفس التوابل 

ونغطي عاود الكسكاس ودائما على نار مهيلة 


ها اللحم مبخر واجد وصدقوني تيجي فحال الزبدة لانو طاب على خاطرررر


ونقدمه مع الملح والكامون ادا حبتو 

بالصحة والراحة 

لمشاهدة الصور بحجم اكبر اضغط عليها 









الخميس، 24 أكتوبر 2013

كيك ما جيك من مطبخي



اهلا وسهلا بالجميع وامسية طيبة اتمنها لكم 
هادي الكيك الشهيرة في برنامج لالة مولاتي  الله يجزي صاحبتها بالف خيرحبت نشاركم تطبيقي  بالصور ونزلتها ليكم  باش الكل يتشجع ويطبقها ان شاء الله 

على بركة الله 

اه قبل ما ننسى تتجي هائلة وخصوصا اللى بقات اطول مدة ممكن في الثلاجة وووفي هاد اثناء تنحلي بيها ممممممم شو طيبة ههههه 


مكونات 

1/2 حليب 
4  البيضات
كيس فاني 
معلقة كبيرة الماء 
125 غرام الزبدة مدوبة 
100 غرام السكر سنيدة عوض 150ممكن تعملها انا حبيت نقص من الحلاوة 
4 م عصير الحامض او الليمون انا عملت الليمون
115 غرام الطحين وهو ما يعادل كاس العنبة +شوية 

الطريقة 
اولا خدمة بياض البيض مع القليل من العصير حتى صبح كالثلج وحتفض بيه جانبا 

تانيا تنخدم الصفار البيض مع السكر حتى يصبح خليط فاتح اللون 




تنضيف الماء الزبدة والعصير 

ونمزج الكل جيدا ونضيف لحليب 


والطحين والفاني ونخدم الكل جيداااا 

واخيرا تنضيف المورينك للخليط ونمزج الكل جيدا وبسباتول وبرفق 

نصب الخليط في مول يستحسن يكون مستطيل ويكون من قبل مدهون بالزبدة ومرشوش بالطحين 

والى الفرن مباشرة 
منين تطيب نخلها تبرد وندخلها لثلاجة تبرد جيدا 


ونقدمها مزينة بالشكولاة سائلة كما هو واضح 


وبالصحة والراحة 






الخميس، 17 أكتوبر 2013

اللحم راس بطريقة اللديدة على ضمنتي



عيد مبارك سعيد 

اش خبارالكل واش نتما على خير  واش الحولي ترك فيكم شي عضم صحيح 

هههههههه انا 

 خلني مهلوكة بتمارة لله يسمح ليه مني هههههههههه 



المهم هاد طريقتنا في تحضير اللحم الراس كما تيتباع في محلات وفي البوطورات 

وللاشارة راه ما تيبخرهش غير تيسلقه ويعمله في كسكاس باش يضنو ناس انه مبخبر 

ههههه لكدوب 10ل0 الله يغفر لينا وليهم 

مهم يكجي غزال واللديد وهاد طريقة مول دارالله يحفضو وينجيه ويحفض ليكم كل 

عزيز هو اللى مخترعها وهو اللى مطيبو الان 

اعتدر لاني ما بديتش تصوير من الاول لانو عملو يطيب نهار العيد ومكنتش مسالية 

باش نصور لان الراس خصو يطيب مباشرة من بعد ما يتشوط 

مهم عندنا الراس مشوط وقبل تنعمل ليه تشويكة هههههه كنقصد نزولو ليه بالمقص 

صوف ديالو الا كان طويل باش ما يرهقنش في تشواط من بعد تنرقده في ماء و 

تنفركه 

مزيااااااان 

ومنين تنقطعه عاود نغسله مزياااااااااان ويستحسن يتقطه بالمنشارالخاص بهدا امر 

 ويتزول ليه المخ طبعا

وتنعمله في البرمة من ااحسن او كوكوط ونضيف ليه الماء الكافي 

وقبطة القزبر+ راس الحانوت +كامون+خرقوم البلدي+سكينجبير +ابزار+ورق موسى 
 
ونعمله على نار مهيلة جيداااااا وننسوه 

 ممكن نعمل الخضرة تتبخر الا كنا حبين نقدمه في نفس الوقت 

وها هو منين طاب 




هنا برد مزياان 

وتنبدو نزولو اللحم من لعضم كما هو واضح




ونعمله في علبة تكون محكمة اغلاق


هكدا حتى نهاية الكمية اللى عندنا 

ها مسرح الجريمة هههههههههه









ومن بعد تنصب على اللحيمات المرق اللى بقى عندنا وهو كيكون قليل 



صافي وتنغلق العلبة جيدا ونعملها في المجمد 




منين كنبغوه كنخدو غير لقياس وهو جامد ونوضعه في كسرولة او مكرو اوند يسخن 

كيصبح فحال الزبدة وكأنه يلا طايب وكنقدمه مع مليحة وكامون مممممم ياسلام 


وممكن يبقى اطول مدة ممكن غير ما خصوش 

يسخن زوج د المرات يعني اللى سخنه من بعد ما خرج من المجمد خاصو يستهلاك 


وممكن نخدو المرق ديالو ونعمله في لعدس او لوبيا بيضاء ممم كيجي هائل 

يلا نخليكم في امان الله 







في امان الله 



الاثنين، 14 أكتوبر 2013

خبيزات معمرين كسندويشات للاطفال وعيدكم مباركم سعيد



كيف حال الجميع اتمنى من  الله العالي القدير ان تكونو بالف خير وفي أثم الصحة والسعادة يارب 

حبيت نقدم ليك هاد موضوع ويكون كهمزة وصل بيني وبينكم وشكرا بزاف لكل من تتوصل معيا عبر الهاتف او على صفحتي او حسابي الخاص  في الفيس 
كل ما تنجبر رسائلكن تنفرح وفي نفس الوقت تنتحصر بسبب غيابي الدائم  وعدم تواصل معاكن كما السابق وهدا بحكم ضروفي وعملي 
على العموم دائما متوجدات في قلبي وفي بالي ربي لا يحرمني منكم عزيزاتي 
وعواشركم مبروكة وعيد مبارك سعيد وينعاد عليكم وعلى امة محمد صل الله عليه وسلم بالسلام وامان ياربي اامين 
ودعو معيا ربي يبارك في وقتي باش نزل ليكم وصفاتي كما السابق وهي الحمد لله تفوق العشرات تبارك لله 
على بركة الله نبدو بوصفة اليوم هي عبارة على خبيزات معمرين بطرقتي هشاش والداد 

ممكن كل وحدة فيكم تعمل العجين معتمد عندها وممكن نستعمل حتى العجين المورق تيجي ممتاز 
المهم انا ستعملت هنا عجين مرمل حتى هو ممتاز في الوصفة 

مكونات
الطحين 
الزبدة
بيضة
ملح 
 القليل من الخميرة 
 القليل  من السكر 
منسم حسب الرغبة (زعتر..............)
والماء لجمع العجين 

الطريقة 

تنجمع الطحين والخمير وسكر وبيضة الزبدة 
تنجمع الكل بأطراف اصابع وتنرك العجين لمدة 5دقائق ونضيف البيضة ونجمع مع اضافة الماء 

تنترك العجين لمدة 30دقيقة حتى يرتاح مزياااان 

من بعد تنقسم العجين على 2 كنبسط الاول فوق سطح مرشوش بالطحين 

تنخد مورتديلا اوالكاشير او  لانشون (تيجي ااحسن )


تنزل دوائر متباعدت كما هو واضح وتنزل فوق كل دائرة القليل من الطون او الكفتة طيبة من قبل 

و فرماج متزريلا 
واعشاب منسمة  بروفانس



كنبسط نصف التاني من العجين  ونزلو الفوق  

 (انضرو الصورة)

كنخد كأس او زلافة المهم الحجم حسب رغبتكم  ونبدء في تقطيع لحبيزات 
نصففهم في لاطة الفرن 
ندهنهم بالقليل من لحليب والبيض 
ونتركهم يرتاحو تقربنا نصف ساعة عاد ندخلهم للفرن 


وبالصحة والراحة 
ممكن نقدمهم للاطفال كوجبة يخدهم معاهم للمدرسة وخصوصا للاطفال اللى عندهم توقيت المستمر 


وعيد مبارك سعيد مرة اخرى عزيزاتي