الجمعة، 14 فبراير 2014

طرقتي في التعقيم


بسم الله الرحمان الرحيم والصلاة والسلام على اشرف المرسلين صل الله عليه وسلم 
الحمد لله في هاد الوقت من السنة تتوفر عدة خضر وفواكه تنحب نحتفضو بها وقت اطول
لهدا غنقدم ليكم طرقتي في تعقيم وممكن نستعملها كقاعدة لكل وصفات اللى ممكن وضروري تتعقم 
ادكرمنها جلبانة القوق الكونفتير طماطم ...............


على بركة الله 


 اول شيئ هي  القرعة  مستعمله تتعقم هي الاولة وطريقة كتالي بعد ما نغسلها جيدا بالماء البارد 
تنعمل فإناء الماء ساااخن جدا ونزل فيه القرعة لمدة 2دقايق 
من بعد ما نخرجها من الماء الساخن نحولو ما نلمسهش بإدينا ونصب فيها المكون اللى بغينا نحتفضو بها (انا هنا عملت كونفتير المشماش) ونغلق القرعة جيداااا 
تنقلبها  في طنجرة ضغط كما هو واضح في الصور ونصب الماء حتى يوصل النصف في القرعة 
ونغلق الطنجرة جيدا ونعمل الصفارة ونوضعها على النار حتى تصفر 5دقايق ونزولها من على النار ونخلها حتى تبرد الطنجرة عاد نفتحها 
صدقوني منين تتفتح القرعة بعد ما تنعقمها  تتصدر صوت كما لو اننا شرنها وهاد الطريقة تضمن لنا ان مكون يبق في حالة جيدا لمدة سنة نعم سنة









الخميس، 6 فبراير 2014

البيني بطريقة ساهلة ومضمونة






تحية لكل اصدقاء المدونة تحية طيبة كدلك لصدقاتي الغاليات كل وحدة باسمها 
كنعتدر منكم بشدة لعدم تواجدي  وتنزيل الجديد كما السابق وهدا تيرجع للوقت ما تيبقش ليا عااااافكم عاافكم تكلمو معه اللى جاب الله على يدكم راه النهار ما بقش تيكفني للاسف ههههههه

على بركة الله نزل ليكم هاد البيني من ارشيف نتمنى ينال اجابكم 

مكونات 
مقادير
250غ فورص ممتاز
80غ زبدة مدوبة
2اكياس فاني
2معالق كبار خميرة المعجونة
4معالق كبار سنيدة
حليب دافي للعجن
ممكن تعملو مقادير على زوج مرات
طريقة
 
في القصرية او عجانة تنعمل جميع عناصر ونعجنهم جيدااااا
من بعد كنتركها ترتاح لمدة 15 دقيقة على الاقل



 وبعد مرور الوقت المدكور كنبسطها بالمدلك فوق سطح مرشوش بالطحين 


 ما تنرقهش  بزاف منخلوهش غليضة بزاف يعني بين وبين
المهم
كنخدو كأس او زلافة كنوضعها في الطحين كما هو واضح ،والحجم حسب رغبتكم



 ونبدو نقطع العجين على شكل دوائر حتى نهاية الكميةاللى عندنا

 ومن بعد كنخلوها تخمر على خطرها
 



 ولم تخمر نقولها في حمام زيت ساااخن جدا

(ممكن نحتفض به في المجمد هكدا صدقوني تيجي هائل يعني قبل ما نقلوه )

 ونقلبها باش تحمر من جهتين


من بعد ما تتحمر نزلها فوق ورق نشاف وخا انا متاكد انو ما كيمتسش الزيت هاد البيني 
 

 صور مقربة

كيف جاتكم النتيجة؟ 

ونقدمه معمر  بالكونفتير او
لكريم باتسير كما هكدا




وبالصحة والراحة