الجمعة، 27 أبريل 2012

عصير نكتاري









مكونات 
4الليمونات كبار 
حامضة وحدة بحجم الليمونات 
2جزرات (خيزو)
وسكر حسب الدوق 
وماء تقريبا 4لترو 
طريقة

 كنغسل الليمون وحامضة وجزر بطبعة الحال
كنقشر 3الليمونات ووحدة كنخلوها بقشرتها 
وكنقشر  حتى حامضة ونزول ليها النوة ديالها وحتى القشرة بيضاء باش ما  يجيش عصير مر 
ونقشر الجزر حتى هو
وكيتقطع  جميع عناصر الى قطع صغيرة  كما هو واضح 


كنضفو رابعة سنيدة  


ونصف ولترو ماء ونترك الكل يطيب لمدة 20دقيقة في طنجرة ضغط 


هنا ها هو طاب 

كنتركه يبرد 


وكنطحنه جيدا 


ونصفوه 


ونضفو ماء متبقي+سكرا حسب الدوق 



تقربنا كيخرج 4لترو ديال العصير او اكتر 

ونتركه يبرد مزيان ويتقدم 

مشاء الله كيجي ررائع 

ممكن يستعمل لتحضير بعض الحلويات او سلاطة الفواكه

ونتيجة مضمونة ورررائعة 

بالصحة وراحة اي استفسار انا رهن  الاشارة 

اختم في لله ام سعد 









الخميس، 26 أبريل 2012

كونفتير لفريز بطرقتي










مقادير 
اللى ستعملنا كيلو د لفريز كنعمل نصف الكمية من السنيدة 
*2معلق كبار ماء زهر (بن العامري ) 
*1كيس الفاني 
طريقة
من بعد ما يتغسل لفريز وتقطع كما هو واضح 



كنضف ليه سنيدة وكنحتفضو تقربنا 2معالق كبارمن كمية مدكورة جانبا ونتركه ساعة على الاقل 



حتى يفرز ماء ديالو فحال هاكا 




من بعد كنعمله على نار مهيلة 



مع تحريك مرة مرة حتى يبان لينا ماء تبخر وصبح عاقد فحال هاكا 




من بعد كنضفو ماء زهر 


الفاني 



واخيرا سنيدة 


وهو فوق نار ومن بعد ما نضفو ليه مكونات اللى دكرت منتركهش اكتر من 5دقيق وكنزوله من على نار 




نحاولو ما نتركهش حتى يعقاد بزااف المرة الاولة لانو قد ما هو كبرد و هو تيعقاد 





ها هو برد وواجد استهلاك كنعملها في قرعات معقمات اللى اكيد كل وحدة فيكم عندها طريقة بلا ما كنطحنه كنكتفو بتحريك مستمر فقط في الاول  باش يبقا لينا فيه 
طريفات ويكون فحال د شركات 

وانشاء الله نزل ليكم مرة اخرى طرقتي لتعقيم 

بالصحة وراحة 







الجمعة، 13 أبريل 2012

سلاطة بالشعرية الصنية وطون



جمعة مباركة عليكم انشاء الله 

نتمنى تنال اعجابكم هاد سلاطة ديال معكزات فحالى او حتى  اللى اكتر مني 

ههههههههههه

بسم الله 

مكونات 

شعرية صنية

الطون

مايونيز

الدرة مصبرة

فلفلة بالالون او للون واحد 

خيزو محكوك (ما صورتش اعتدر) 



طريقة

كنحضرو شعرية وطريقة معرفة عندكم مشاء الله 

قطعوها او خلوها هاكاك 



من بعد كنضفو ليها جميع مكونات 


ونخلطو جميع عناصر جيدااااااا 


وها سلاطة ديالنا جاهزة
بالصحة وراحة