الخميس، 28 مارس، 2013

شرائح الديك الرومي معمرين بالفرماج



اهلا وسهلا بجميع ونهاركم مبروك ان شاء الله 

طبق اليوم جد ساهل ومحبوب لدا الجميع 


على بركة الله 

مكونات 

شرائح الديك الرومي طبعا (الكمية حسب اشخاص)
م.ك الخردل 
ملح +فلفل اسود
والقليل من الحبة السوداء و اعشاب بروفانس(اخياري)
الزيت للقلي 
فرماج السندويش
بيضة مخفوقة جيدا 
قليل من الدقيق الابيض 
واخير الخبز محمص


الطريقة 

كنخدو شرائح الديك الرومي بعد ما نضفنهم تنضيف ليهم كل من الاعشاب و الحبة السوداء والخردل وملح وفلفل الاسود 




ونتركهم على اقل سااعة 


من بعد تنخد كل شريحة كنبسطها وتنعمل فيها الفرماج (فقط في نصف ديالها )


ونجمع نصف اخر  كما هو واضح 


نعملها في الطحين هو الاول 


من بعد البيض 


والخبز محمص 


ونقلوهم او نعملهم في الفرن حتى يتحمرٌ من الجهتين 

ممكن نرفقه مع الروز او طرطة البطاطس وسلاطة 



وبالف صحة وهنا على قلوبكم 





















الجمعة، 22 مارس، 2013

كيك بصلصة الشوكولاة ممممم مميز



تحية حب وتقدير للجميع واتمنى من الله ان تكون جميكم في ثمام الصحة والسعادة 

 واعتدر عن طول الغياب .........

ان شاء الله الان نزل ليكم كيك قد ما هو بسيط هو ررائع بشهادة الناس نتمنى ينال اعجابكم 



على بركة الله 

مكونات 
كاس السنيدة
كاس الزيت 
كاس الماء 
100غ من مسحوق الشوكولاة الحلو

200غ الطحين 
3البيضات 
2خمرات 

الطريقة 

اولا تنعمل كل من السنيدة+الماء+الزيت+ ومسحوق الشوكولاة 




نمزج الكل ونعمل على ناار متوسطة حتى يصبح 



هكدا 

تانيا

نقص من الخليط كاس صغير ونحتفض بيه في الثلاجة 
واخيرا 

نضيف الطحين مرة وحدة غادي يصبح الخليط عااقد


نبدء نضيف البيض وحدة بوحدة باش ما يطيبش لينا لانو الخليط سخوون مع التحريج بسرعة 


اخير تنعمل الخمرات 


نمزج الكل جيدااا 


وها الكيك جااهز 

نصب الخليط  في مول دائري او مستطيل  مدهون بالزبدة ومرشوش بالطحين 

ندخلها تخبز في فران مسخن من قبل 

ومنين تخرج من الفران نخلوها حتى تبرد ونسقوها بالخليط اللى حتفضنا بيه من قبل 



وبالصحة والررراحة 











الأحد، 10 مارس، 2013

كرتان ساهل وبنين بالشفلور والبصلة



نتمنى من الله تكون جميعكم بالف خير 

ان شاء الله نقدم ليكم كرتان ساهل في تحضير ولديد وحتى الاطفال 

اللى ما كيحبش شفلور بهاد طريقة ان شاء الله غادي يعجبهم والله اعلم

 ههههههه 

نبدو على بركة الله 

مكونات
حجتنا ل
شفلور
بطاطا وحدة كبيرة
بصلة كبيرة
صلصة بشاميل (الكل تيعرفه يحضرها ااكيد)
ورق موسي
ملح ابزار قليل من زيت الزيتون
فرماج احمر محكوك 

طريقة 
تنخدو شفلور 




نقطعه بهاد الطريقة 


تنعمله في الماء لبعض دقائق ومرة مرة نحركه باش اللى كان فيه شي تراب ينزل 



نقشرو بطاطا دوائر كما هو واضح 

ونستفها في كسكاس 


وفوق منها شفلور 

ونرش بالملح وابرار ونوضع ورق موسي هدا كيمنع رائحة شفلور تطلع 

وتنعمل الكل يتبخر 


في هاد اتناء تنخد البصلة ونقشرها ونقطعها على هاد الشكل 


ونرشها بالملح وابزار والزيت الزيتون ونخلها على خاطرها طيب (انا تتعجبني شبه 

محروقة تتجي رروعة وحتى الجيل الجديد تتعجبو هههه )



هنا شفلور تبخر وصبح جاهز في اقل من 10دقايق 


تنخد مول د الفرن وندهنو او بلاش ونصب فيه القليل من صلصة بشاميل ونوضع 


لبطاطا هي الاولة 


نوضع كدلك شفلور 



والبصلة 


واخيرا صلصلة بشاميل (ومن احسن تكون كثيفة شيئا ما )




وندخله للفرن وعلين يتحمر نخرجه ونرشه بالفرماج احمر وندخله مرة اخرى يتحمر

 ونخرجه 


هدا شكل النهائي 



نتمنى تجربه تيجي ممتاز 

بالصحة والراحة