الاثنين، 12 ديسمبر 2011

طرطة كلاصي بالخيزو وبسكوي عجيبة



مقادير 

كيلو إلا ربع خيزو مقشر ومسلوق 

2اكياس فاني 

1/2 لترو حليب

2اكياس لفلان 

 شكلاط اسود لتزين 

3بكيات بسكوي

سكر حسب الرغبة

طريقة

في مولينكس كنعملٌ خيزو


ونضفُ له لحليب وفاني وسنيدة



ونطحنو جميع عناصر مزيان مزيان 

في كسرولة نفرغُ خليط محصل عليه


نعملو كسرولة فوق النار متوسطة حتى يسخن الخليط ونضفُ ليه لفلان مع تحريك 

مستمر(كما كنحضرو لفلان عادي )


من قبل خصنا نكونو ستفنا بسكوي في مول نتاع طرطة كما في صورة 


قبل ما نحضرو الخليط اللى فيه لفلان باش ما يجمدش لينا عند الاستعمال 

هكا نعملو كطبقة تانية من خليط ديال خيزو 


ونعملو كطبقة 3 من بسكوي فوق الخليط نتاع  كريمة خيزو


 و كطبقو 4 كريمة خيزو ونبسطو خليط بتساوي وبطريقة منضمة كما هو واضح

ونزينها بالشكلاط مبشور او كريم فريش والفواكه 


على عموم تزين حسب الرغبة 

وندخلها لتلاجة 4ساعات او اكتر 

وبالصحة وراحة 






السبت، 10 ديسمبر 2011

طريقة تحدير اللوز مڭلي في البيت

مكونات 
اللوز 
ماء
الملح 
طريقة 
كنخد ماء ونعمل فيه ملح  نحركها مزيان حتى تتجانس عناصر جيدا ونرشو بيها اللوز مزيان حتى يتبلل وندخله للفرن ومرة مرة نحركه حتى يبان لينا صبح كيتشقق شوي واللون ديالو كتغير وصبح شهبه 
وكنخرجه 
وبالصحة وراحة 
خليكم مع الصور 












الجمعة، 9 ديسمبر 2011

مربى بالتفـــــــــــــــــــاح






مقادير 
كيلو تفاح 
400غرام سكر سنيدة
1كيس فاني
معلقة كبيرة ماء زهر
كاس ماء
طريقة 
كنغسلو تفاح ونزل ليه علف ديالو فحال هاكا 
 ونعمله في كسرولة ونضف ليه كاس ماء ونتركه يطيب لمدة 30دقيقة تقريبا 

 كيصبح فحال هاكا 
 من بعد كنخدو  طحنة اليدوية ونضعنو تفاح اللى طيبنا 
 ضروري هاد طحنة لانها كتعطنا عصارة نتاع تفاح فقط 

من بعد كنضفو سكر نااقص 2معالق كنحتفضو بيها جانبا 
 ونرجعه فوق  نار مهيلة حتى يبدء يتغير اللون ديالو 
ونضفو ليه كل من معالق سكر اللى كتفضنا به 
وفاني 
وماء زهر 


ونتركه شوووية فوق نار ونزوله راه قد ما بقا فوق نار كيقصح لهدا مجرد ما يتغير اللون يتزول مباشرة 

ها هو وجد 





بالصحة وراحة 


الأربعاء، 7 ديسمبر 2011

فقاص لمسوس


                                                                       
                                                                       مقادير 
      4بيضات +2كسان سنيدة+2كسان الزيت +نص كاس جنجلان+ربع كاس نافع+ربع كاس حبة حلاوة  +قبصة الملح+خمارة ونص نتاع الحلوة + طحين حسب الخليط
                             ولتزين بيضة +قهوة سريعة الدوبان 
                                              طريقة

    كنخدكو البيض وسنيدة فحال اللى غادي نحضر الكيك حتى يتهوى مزياان بالخلاط                 
                                            الكهربائي 
                من بعد نضفو كل من زيت وجنجلان ونافع وحبة حلاوة 


                          ونخدمو عاود مرة اخرى مزيان ومن بعد كنفرغو خليط في قصرية                               
                           ونبدو نضفو لخميرة وطحين اللى من الاحسن يكون دات جودة 


                                 وخص تبقا لينا لعجينة رطبة شوية 

                                       كنكونها على هاد شكل 
                                     وعواد كنعملها حربلات                 


    كنخدو البيضة اللى حتفضنا بيها وكنضفو ليها قهوة ونطربها مزيان وندهنو بيها   
                                             لحربلات اللى حضرنا 


                              ونطيبهم نص طيبة كما هو معروف 
                                       ملاحضة جد هامة
خص الفرن ميكونش سخون لان اللى كان سخون كيجعل لخميرة دغيا كتعمل مفعوها وكتخلي الفقاص يتشقق وقبل ما نعمل الفقاص في الفرن ندوز عليه شوكة كعملية تزين 
                                   ها هو هنا خرج من الفرن 

                                  ملاحضة اخرى حتى هي مهمة 

                                                اللى هي 
  لما نبغو نعمله في منديل مبلول خصنا نفرشو غدا بلاستيك هو الاول عاد نعمل المنديل ونزلو فيه الفقاص على هاد شكل 
     هنا لبلاستيك كيرد البخار نتاع الفقاص عليه وبهدا كيخله رطب وما كيتهرسش لينا   
                                     لما نبدو نقطعه
                وما كيحتجش يبات عاد يتقطع ممكن غير 4 ساعات كافية 
                                 ها هو هنا مقطع 
                                 نخليكم مع الصور 

                                          وبالصحة ورراحة