الخميس، 28 فبراير، 2013

ميني طرطات مداق ومنضر



كيف حال الجميع اتمناكم بالف خير يارب 

تحت رغبة احدى صديقات الموقع حبت نزل هاد منى طرطات باسهل الطرق 

على بركة الله 

مكونات العجين 
300غ الطحين من نوع الممتاز 
125غ الزبدة بحرارة المطبخ 
قبصة الملح 
بيضة كبيرة 
2معالق السكر سنيدة (ممكن اكتر )
كيس بالنكهة المفضلة عندكم انا تنفضل روح الزهر 

سنختاج ايضا 
نصف لترو حليب 
2معالق السكر سنيدة 
كريم باتسير حتى هو بالمداق المفضل عندكم انا عملت ديال البنان 
والفواكه حسب الرغبة (موز .الكوي.التفاح .للفريز ...)

الطريقة 
كنحضر
 العجين هي الاولة 
في اناء عميق تنعمل الطحين والزبدة قطع صغيرة وكيس الزهر والسنيدة




وتنجمع مكونات بأطرف اصابع يعني تنرمل العجين ونتركها 5دقايق 



من بعد تنضيف البيضة ونمزج الكل مع اضافة القليل من الماء  عند الحاجة 


كنحتفض بالعجين في الثلاجة  على الاقل 30دقيقة في بلاستيك غدائي 



من بعد تنبسط العجين فوق سطح مرشوش بالطحين 



في قوالب صغيرة تنعمل العجين كما هو واضح وهدا بعد ما دهنت القوالب بالزبدة ورشتهم بالطحين 


كنزول فائض العجين 





وندخلهم مباشرة لفرن ساخن من قبل غير توقف العجين فقط يعني ما تتحمرش 


من بعد ما تبردٌ تنعمرهم بكريم باتسير اللى الكل تيعرف يحضرها 
وهي عبارة عن 2معالق كبار ديال بدرة كريم باتسير 
نصف لترو حليب 
وسكر حسب الرغبة 


 هنا ستعملت لفريز قطعتو بهاد الطريقة باش يعطني شكل مروحة او وردة 


ونزلها مباشرة فوق لكريم باتسير 


بالف صحة وهنا 



ملاحضة هاد العجين تتجي هائلة 

ممكن نعملها حتى لكيش وبيتزا غير مكان سكر والكيس منكه تنعمل القليل من خميرة + ملح وزعتر .....









 في امان الله 





الاثنين، 18 فبراير، 2013

غريبة الكوك والسميدة


كيف حال الجميع ؟ اتمنى لكم الصحة والسعادة ما حييم
ان شاء الله نعطيكم غريبة بالسميدة والكوك تتجي غزالة ومشققة واعتدر عن تأخير لان بعض اخوات طلبها مني ولديق الوقت تاخرت عليهم لهدا اعيد اعتدار لهم 
بسم الله 
مقادير 
3البيضات
250غ الكوك
250غ السميدة رقيقة
2خمرات
يا غورت الفاني او البنان
كيس فاني 
كاس مخلاط زبدة عادية والزيت 
قشور حامضة محكوكة 
100غ سنيدو
وسكر كلاصي 

طريقة 

في خلاط تنعمل السكر وفاني والبيض ونخدمهم جيدا 




تنضيف قشور الحامض 


والخلاط  خدام وانا تنضيف خليط الزيت والزبدة 


واخير تنضيف الياغورت ونخدم عاود 

تنصب الخليط في اناء 



تنضيف ليه الكوك ونمزج مكونات جيدا 



نضيف بعد دلك الخميرة 

والسميدة ربما اقل من 250غ 
المهم يكون الخليط ما قصحش 





ندهن ايدينا بالماء الزهر او الزيت ونعمل من العجين كويرات بحجم المشماشة ونعملهم في سكر كلاصي 


ونزلهم في لاطة مدهون بالزيت او نفرشها بورق الزبدة 

وندخلها لفرن سااخن من قبل 

تكون الحرارة من التحت حتى تشقق الحلوة دينا عاد نحمرها من الفوق 





وبالف صحة وهنا