الأحد، 26 أغسطس، 2012

الكبسة مغربية



مقادير +طريقة في نفس الوقت 


تنخدو دجاج او اللحم وتنعمله في طنجرة ( كان متوفر عندي كوطليط )



تنضيف عليه توابل 
خرقوم البلدي+ابزار+سكنجبير +ملح 


تنضيف عليهم  نصف كاس ماء صغير 


ونخد بصلة  حبة طماطم حجم كبير ونقشرهم (في250غ الروز )


ونقطعهم على شكل دوائر ونضفهم لطنجرة 

ونوضع طنجرة على نار متوسطة 



من بعد ما تنزل طماطم والبصلة  كنضيف الزيت وقزبر ومعدنوس 




و ماء كافي (اللى كان عندنا 2زلافات د الروز خصنا 4 زلايف من ماء)



وكنخلي حتى يطيب اللحم والى كان دجاج كنرمي الروز مباشرة من الاول لان دجاج 

كيطيب هو وروز في نفس الوقت 

من قبل تنغسل الروز (الحبة الطويلة صفرة (كلاصى) ضروري )




وتنضيفو لطنجرة بعد ما غلا ماء جيدا 



(بلا ما نزيرها وبلا ما نوضع صفارة غير نوضع غطاء فقط ) وننقص نار على 

اقصى حد ونخلها طيب على خطرها بلا ما نحرك 

ومنين نفتحها غادي نجبرها فحال هاكا ان شاء الله 


هنا عن قرب تيجي حبة حبة ومداق يم يم لديد 


بالصحة وراحة 









السبت، 18 أغسطس، 2012

حلوة التــــــــــــمر









250غ الزبدة (اللدة)
4م.ك الزيت 
4م.ك سكر سقيل 
4.م ك ماء زهر
نصف خميرة او اقل 
دقيق حسب الخليط (نوع ممتاز)
لتزين سكر سقيل 

الحشوة 

250غ عجينة تمر+ماء زهر+م.ك زبدة لينة+1/2م.ص القرفة +قليل من قرنفل 

نحضر عجين تمر هي الاولة 
في اناء تنعمل التمر معجون
ونضيف ليه 
القرفة
الزبدة 
ماء زهر 




والوردة ديال لقرنفل فقط (في الصورة)


تنعجن مكونات كاملة حتى نحصل على عجين متجانس 


تنعمل منو كويرات صغار ونترك جانبا 


نحضرو العجين 

تنخدم الزبدة وسكر سقيل جيداااااااااا حتى نحصل على كريمة (اعتدر لعدم تصور مرحلتين )


ونضيف الماء زهر+الزيت 

ونخدم مكونات جيدااا

واخير نضيف لخميرة وطحين منخول بتدريج(تقربنا تقربنا 500غ)


حتى نحصل على عجين رطب ولين 



تنعمل منها كويرات كما هو واضح بحجم مشماشة او اصغر 

اترككم مع الصور 









نزلهم في لاطة مدهونة  بالزيت 


نخد المرشم بهاد شكل 


ونضغط عليهم 



ندخلها للفرن مسخن من قبل ومنين تطيب 

تنفندها في سكر سقيل مباشرة بعد اخرجها من الفرن وهي سااخنة 






بالصحة والراحـــــــــــة 










عيد مبارك سعيد للجميع 



الجمعة، 17 أغسطس، 2012

فقاص بالفواكه المعسلة وعيد سعيد للجميع





150غرام زبدة لينة بحرارة المطبخ 
200غرام سنيدة
2.م.ك ماء زهر 
علبة الفواكه المعسلة 
6 البيضات 
1كيس خميرة من  وزن 8غرام 
طحين  حسب الخليط (خاص بالحلويات )
صفاربيضة+م..ص قهوة سريعة الدوبان 


تنخدمو الزبدة وسنيدة هما الاولين 

من بعد نضيف البيض 

نخدمهم حتى يتضاعف حجمهم 


نضيف كدلك الفواكه 

وماء زهر 


ونخدمو مرة اخرى 


واخيرا تنضيف لخميرة وطحين بتدريج 

حتى نحصل على عجين كما هو واضح (تكون رطبة شيئا ما )


نعمل منها كويرات 


ومن بعد حرابل كما هو في صورة 



ونزلهم في لاطة مدهونة بالقليل من الزيت 

تنمزج القهوة +صفار البيضة وندهنهم بفرشاة ونمرر عليهم الشوكة 


ندخلهم للفرن باااااااااااااااارد (ضروري لان الفرن سخون تيجعل الفقاص يتشقق) حتى يطيبو نصف طيبة 

من بعد ما نخرجهم 


تنعمل بلاستيك هو الاول عاد نعمل منديل مبلول ( كيجعل البخار يرجع على لحرابل وهدا تيساعد في تقطيع بدون ااااااي كسور  )


ونوضع فيه لحرابل نتاع الفقاص 


من بعد مرور ساااعة او ساعتان فقط 

كنخد سكين حااد ونبدء نقطع كما هو واضح 

وكهدا حتى نهاية الكمية 



مهم جدااااااااااااا احترام طريقة للحصول على نتيجة كما هي متضحة 


ثم ندخل للفرن متوسط الحرارة حتى يتحمر من الجهتين   

للاشارة ها الفقاص تيجي رطب لانو فيه الزبدة وممكن نعوضو الزبدة بكاس الزيت 

العنبة 


بالف صحة وهنا