بريوات اللوز بطرقتي +شرح بتفصيل الممل لكل مبتدئة

مقادير

*-250غ اللوز مسلوق

*-250غ كاوكاو ومقلي 

4م.ك سكر كلاصي

*-شوش المسكة الحرة 

*-معلقة زبدة

*-2م.ك ماء زهر 

قطرتين من روح اللوز

 
*- كيلو إلا ربع ورقة كبيرة 

*- كأس.ص زبدة دائبة 

طريقة 

تنخدو الكاوكاو اللى تيتباع مقشر ونقلوه (لكن ما يتحمرش كما عملت ليه انا

  نستو وهدا اللى جعل لون العجين يجي غامق شوية لهدا نتبهو )

تنسلقو اللوز ونشفوه 

تنطحنوه نصف طحنة ونضيف ليه سكر ونعاود نطحنو مزياان

حتى نحصل على بدرة اللوز ونعملو في اناء 

وتنطحنو حتى الكاوكاو ونضفوه للوز 

ونضيف المسكة مدقوقة 

وقطرات روح اللوز

وماء زهر 

وزبدة 

ونخلط مكونات مزيااااان ونتركها ساعة ترتاح قبل ما نستعملها 

تنعملها كويرات فحال هاكا

من بعد تندهن الورقة بالزبدة مدوبة جيدا 

ونقطعها على هاد شكل 

ممكن نقطعو الورقة كاملة  مرة واحدة كما هو واضح 

ناخد ربع الورقة 

ونطوها فحال هاكا 

ثم هاكا 

هاد العملية ما تضيعش الورقة ابدا +تتسهل عملية طي لبريوات حتى للمبدتئات فحالي 

تنعملو كويرة في هاد النقطة 

ونبدو نطوو بهاد طريقة 

ودائما نوضعو صبعنا في زاوية فحال هاكا 

وفي اخير تندهن بالبيض غير باش نسدها ماشي كاملة 

هدا هو شكل نهائي للبريوات ديالنا 

وهاكا حتى نتهي من الكمية الى عندي و الى عملتو كويرات في حجم اللى عملت انا ما

غديش تحتاجو اكتر من كيلو إلا ربع بالضبط من الورقة  وتنخطيهم ببلاستيك غدائي 

ونحتفض بيهم 

في تلاجة (انا ما قلتهم حتى للغد ممكن انتما تقليوهم بعد مرور ساعة )

تنقلوهم في حمام زيت ساخن على نار متوسطة ونطفوهم في لعسل ونتركهم ينزل منهم 

لعسل زائد 

وبالصحة ورااحة