بالميـــي مالح بالزيتــــــــون

مكونات 

العجين المورق
لامطارد 
زلافة زيتون اسود مقطع صغير 
زلافة زيتون اخضر مقطع صغير 
زلافة كاشير او مورتديلا محكوك 
طريقة 
كنبسطو العجين ممكن تخلوها غليضة اكتر من هاكا اللى بغتو يجيكم غليض 

كندهنو العجين بلامطارد كما هو واضح

كنرشو الكاشير في العجين كامل 

وكنرشو نصف العجين بالزيتون اخضر ونصف الاخر بالزيتون اسود 

ومن بعد كنلفو على هاد شكل 

وندخلها للمجمد حتى تقصح شوية

 ونقضعها على هاد شكل

نعملها في لاطة والى الفرن مباشرة يكون سخون مزياان 

ملاحضة 

اللى بغتوه يجي غليض ما ترقوش العجين بزاف 

وبالصحة وراحة 

بان دومــــــــــــــــــــــــــي

مقادير 
500غرام فورص 
2معالق ميزينا 
2معالق حليب بدرة 
2معالق سنيدة
2معالق خمير الخبز
40غرام الزبدة مدوبة 
ماء دافئ للعجن 
ولتزين زنجلان او حبة البركة 
طريقة 
كنخلطو جميع مكونات 
كنضفو الزبدة 

ونضفو ماء بتدريج حتى نحصلو على عجين لين 

ندلكها شوية ونتركها حتى تخمر فحال هاكا

من بعد كنفرشو بلاستيك غدائي ونكرصو فوق منو لعجينة حتى تصبح على شكل مربع شيئا ما 

كنلفوها على بعضها لكن بشرط كنخلوها مرخوفة بززززززززاف باش تجبر فين تخمر وتطلع مزيان 

وكنعملها في مول مستطيل مدهون بالزبدة 

ونخلوها تخمر عاود مرة اخرى 
وندهنا بالبيض ولحليب وشويش سكر مخلطين ونرشها بجنجلان او حبة البركة وندخلها للفرن طيب 

هاهو وجد وكنحتفضو به في تلاجة من بعد ما يبرد مزيان وكل ما بغينه كنقطعو منو لقياس ونعمله في الالة مخصص ليه 

بالصحة وراحة