الاثنين، 29 يوليو، 2013

بسيطلات صغار بالدجاج




اهلا ومرحبا بالجميع واعتدر عن الغياب الشبه الدائم لكن ما باليد حيلة راكم تعرف كلاشي بلا ما نحكي ليكم 
الحمد لله كين وصفات متعددة لكن الوقت ما تيسمحش للاسف 
وكما تنقولو وقت ما جى الخير ينفع او لا لاء ؟؟ 
اهم شيئ انكم بخير وعلى خير الحمد لله 


على بركة الله 


طريقة تحضير الحشوة تجبرفي الرابط اسفله 

                                 بسطيلة بدجاج واللوز وتزين من ابتكاري



الحشوة تنحضرها بيوم قبل استعمال وكنحتفض بها في التلاجة 
من بعد تنضف ليها اللوز ونمزج الكل جيدا 

كنحتجو تقربنا كيلو د الورقة صغيرة 

تندهنا بالزبدة او الزيت 


سبق نزلت ليهم صورة  المول اللى تنخدم بيه 

تنفرش فيه الورقة 

تنزل فيه كمية من الحشوة تنضغط عليها جيدا باش تخد شكل القالب 

وتنجمع الورقة بطريقة منضمة 


تناخد ورقة اخرى وندهنا حتى هي 
ونقلب فيها المول اللى به الحشوة كما هو واضح 
نجمع الورقة ونسد باليض او خليط الدقيق والماء 
العملية معروفة عند الجميع 

هكدا حتى نكمل الكمية اللى عندى 





نزلت بسيطلات في بلاطو وندخلهم للمجمد حتى يقبطو روسهم 
وعاد يمكن لينا نعملهم في بلاستيك 
لحين استعمال 



هنا طيبتهم وزينتهم باللوز ايفلي ولعسل 
ممكن تزينهم حسب رغبتكم 

وبالف صحة وهنا على قلبوكم 












الخميس، 18 يوليو، 2013

لنييم بالخضرة والكروفيت




هادي احدى الحشوات المعتمدة عندي ونقدر نعملها لجميع معجنات ديالى 
من لنييم حتى الرغيف والبطبوطة غير تنضيف ليها الفرماج المثلت 
وممكن اي وحدة فينا  تبتكر الحشوات على دوقها 


مكونات +الطريقة


الكمية حسب الرغبة 
الخضرة غادي نحتاجو 
ل
البصلة.الكورجيت .الخيزو.اللمكور 

تنقطع البصلة الرقيقة وتنعملها في مقلة ونضيف ليها الزيت البلدية او الزبدة والملحة  الصنية

(كما سبق وقولت انها احدى اسرار اللى تتعطي مداق مميز للبريوات ولنييم والبسيطلات سوى بالحوت او بالدجاج مالحين )

حتى يتغير لونها كما هو واضح 
نضيف عليها  اللمكور محكوك 



ومنين ينزل حتى هو تنضيف الخضرة اللى حكتها طولي 
وسكنجبير طري حتى هو ضروري

نمزج الكل ونترك الخليط على نار متوسطة حتى يطيب ُ جيدا ونضيف الكروفيت 
بعد مرور وقت قليل تنضيف 
 الزيتون مقطع 
ومعدنوس 
والشعرية الصنية اللى حضرتها من قبل 
ونمزج الكل جيدا ونزول المقلة من على النار 
وكما دكرت سابقا 
نترك الحشوة تبرد مزياان تقربنا لليلة كاااااملة يكون ااحسن 



في الصباح 
تنحضر الورقة والزيت او الزبدة لدهن 
وفرماج سندويش 
على فكرة ضفت طريفات الموتزريلا للحشوة منين كانت سخونة 

وتنبدء نعمر في لنييم بعد ما نكون دهنت الورقة بالزيت او الزبدة 




ونجمعهم هاكا
ونسدهم اما بالطحين مع الماء او البيض 

هكدا حتى نكمل الكمية اللى عندنا 

وعند التقديم ممكن نقلوهم او نعملهم في الفرن 


ونقدمهم سخااان 

وبالصحة والراحة تيجو غزززززالين ما شاء الله








عصير رروعة بالمشماش





اهلا وسهلا وأمسية سعيدة للجميع 
موضوع اليوم مجرد تطبيق لعصير للغالية على قلبي ريمو ديالي (ريم ) ربي يحفضها ويسر امرها وامر جميع المسلمين  ياربي اامين 


ونصيحة مني جربه لانه يستحق 
وتيخرج الخير والبركة 


على بركة الله

المهم هادي هي مكونات اللى عملت انا 
كيلو مشماش مغسلو ومزول ليه لعضم
زوج ليمونات (برتقال)مقشرات ومزول ليهم لعضم 
ووحدة اخرى بقشورها 
نصف حامضة مقشرة 
250غ السكر 
لترو الماء

الطريقة 

في  طنجرة ضغط تنعمل  جميبع المكمونات +لترو الماء 
وتنسد الطنجرة 15 دقيقة تقربنا 

ونترك الجميع يبرد جيدا 
ونطحن الكل ونضيف السكر حسب الرغبة +الماء باارد 
(ضفت تقريبا 2لترو) وكانت نتيجة ممازة وكان الخليط تقيل شيئا ما 

وبالف صحة هنا 













السبت، 13 يوليو، 2013

السلاطة المعهودة بمنضر انيق ومختلف






ااهلا وسهلا بالجميع 

ان شاء الله نقدم ليكم السلاطة المعهودة بمنضر انيق ومختلف 

على بركة الله 

حجتنا ل
الروز اصفر مسلوق بالماء والملح
الخضرة حسب الرغبة حتى هي مسلوقة او مبخرة 
الباربا مسلوقة
المايونيز
والدرة مصبرة 
الكاشير 
الفرماج السندويش 

في اناء تنعمل جميع مكونات ونمزج الكل جيدا 







النصب الخليط في قالب حسب الشكل المفضل عندكم


نسرح الخليط بالتساوي ونزل محتوى القالب في طبسيل في شكل القالب 


ناخد قوالب صغيرة نقطع بيها الباربا وفرماج والكاشير ونزين بيهم السلاطة كما هو واضح 



وبالف صحة وهنا على قلوبكم 
الله يتقبل منا ومنكم صالح الاعمال يااارب 











الجمعة، 12 يوليو، 2013

ملفوف الدنجال





على بركة الله  شهيوتنا اليوم غزالة وجد سهلة 

حجتنا ل 

الدنجال مقطع بشكل طولي كما هو واضح ومقلي  ومنشف 


حجتنا كدلك ل 
طماطم مقسمة على 2ومنزوع لها  البدرة ديلها
وكدلك بطاطة مقلية على شكل مربعات صغيررة 
والمعدنوس مقطع 
وحجتنا كدلك 
لصلصة متكونة من الزيت الزيتون وفص من ثوم محكوك وملح وابزار وعصير حامضة (كمية حسب شرائح الدنجال)

تنعمل جميع مكونات في اناء ونمزج الكل جيدا 


تندوز شرائح الدنجال في صلصة اللى حضرنا وحدة بوحدة 

ونعمل فيه كمية من الحشوة 

ونلف شريحة على نفسها كما هو واضح 

ونصف ملفوف في طبسيل 


ونصب عليهم خليط متكون من 
ياغورات طبيعي 
ملح 
ابزار
الخل

ونصب فوق من ملفوف ديالنا ونقدمه 


بالصحة والراحة 

صدقوني تيجي شهوة منو