الخميس، 24 مايو 2012

باليتزا بعجينة ساهلة ومضمونة 100في100







مقادير 
350فورص
240غرام ماء دافئ
شوية زعيترة
شوية ملح
نصف كاس زيت الزيتون 
لخميرة تقربنا معلقة صغيرة او اقل المهم حسب الجو 
والحشوة حسب رغبتكم 
طريقة
 تنعمل كل من لخميرو وملح وزعيترة 


تنضيف عليهم شوية ماء باش ندوبهم هو الاول 




تنضيف الزيت ونحرك مرة اخرى 



من بعد تنضيف ماء دافي بطبعة الحال 


وتنضيف طحين مرة وحدة وتنخدم الكل غير بالمعلقة مزيااااااااان 


حتى نحصلو على عجين بهاد شكل 




تنغطوها ونتركها حتى تخمر وضاعف حجمها 


تندهنو لاطة الفرن الضو اللى في صورة بالزيت الزيتون 


وهنا لعجينة خمرات وواجدة للاستعمال 




تنخدمها مرة اخرى 


وتنفرغها في لاطة اللى حضرنا 


وكنبسطها بالتساوي 


والحشوة حسب رغبة

انا عملتها بالطون 

بسطت صلصلة طماطم  اللى حضرتها ونسمتها بالحبق


وعملتها فوقها الطون مصفي من زيت 

للاشارة

 زيت طون هو اللى تنطيب بيه صلصلة طماطم 


وتنعمل خطوط بالفلفلة مشوية 

واللى تيحبها خضرا يستعملها على شكل دوائر 

لكن مشوية تتجي احسن لانها كيجي فيها مداق مدخن 



ونتزين بالزيتون اسود على هاد شكل ونحك عليها زعتر وندخلها للفرن 


منين طيب تنرشها بالفرماج حمر محكوك في جهة لغليضة لحككة  وندخلها للفرن مرة تانية 


وتنقدمها بالصحة 










هناك 12 تعليقًا:

  1. عطاك ربي الصحة ختي سهاااام..رااائعة

    ردحذف
  2. السلام عليكم ربي يخليك شرفني مرورك اختى

    ردحذف
  3. السلام عليكم ورحمة
    جربها الان اوجاتني معجنة فضطريت رميها ... بالنسبة كاس لعبار عبرت فيه طحين والماءبغرام الا كان ممكن تفدني اكثر على طريقة تحضير العجين تعطني لعبار بكاس لعنبة سؤال واش لعجينة خاسها تكون بحالي جارية

    ردحذف
    الردود
    1. اختى حتى انا جربتها جتني معجنة معرفتش علاش

      حذف
  4. machaallah ana mjarbaha katji ghzala

    ردحذف
  5. رااااااااااااااااااائع

    ردحذف
  6. تبارك الله عليك فعلا جات غزالة جربتها

    ردحذف
  7. ما بيتزا ما وااااالو اختي تنفخات ليا فالفران و معجنة

    ردحذف
  8. السلام عليكم

    طلعات واعرة في اول مرة الله يرحم بها والديك

    ردحذف
  9. أزال أحد مشرفي المدونة هذا التعليق.

    ردحذف
  10. البنات اللى جتهم معجنة مئة بالمئة عملتو مول صغير ماشي كبير كما عملت انا والحمد لله دربها شحال من اخت في منتدى ونتيجة كانت رررائعة \وياريت اللى ما صدقتش لها تنزل صور باش نشوفو الخلل فين كاين وحمد لله صور تحضير قدمكم وشفتو سمك قدش يعني ما معجنش كما دكرتو وشكرا ختى easy10

    ردحذف