شباكية هشيشة واللديدة

*-1/2كيلو طحين فورص

*-125غ طحين قمح 

*-125غ جنجلان محمر 

*-125غ لوز 

*-م.ص نافع

*-م.ص قرفة 

*-1/2م.ص لخميرة 

*-1/2ك زبدة

*-1/2ك زيت 

*-1/2ك خل عادي

*-1/2ك ماء زهر 

*-شوش ملح

*-صفار بيضة 

شوش مسكة الحرة

شوش زعفران الحر 

كنعمل الطحين بانواع بزوج

كنضيف عليهم مسكة الحرة مدقوقة+زعفران حر مسخن +ملح 

القرفة +نافع محمر ومطحون 

وجنجلان 

واللوز مطحون 

ولخميرة 

وكنمزج مكونات جافة جيدااا 

تنضيف صفار بيضة 

وزيت وزبدة 

تنضيف الخل 

وماء زهر وكنجمع الكل 

واللى بقات ناشفة تنضيف ماء بارد 

وندلك العجين حتى تصبح لينة 

نعمل منها كويرات بهاد حجم

ناخد منهم وحدة وباقي نعملو في بلاستيك غدائي 

كنبسط العجين كما هو واضخ 

وكنقطو بالمرشم نتاع شباكية 

(احسن من جرارة و اسهل  وكيخرج شباكية في حجم واحد )

وكنبد نشبك 

(العملية معروفة عند الجميع )

وهكدا حتى نكمل كمية العجين اللى عندي 

 في حمام زيت ساااخن نشرع في عملية القلي  

(نار تكون متوسطة )

ونحضر لعسل يكون دافئ من احسن 

(طريقة تحضير لعسل في البيت اضغط هنا )

ونعمل فيها مباشرة شباكية وهي ما زالت سخووونة 

نحاول ندخلها كاملة في لعسل 

كنعملها في كسكاس حتى ينزل لعسل زائد 

نرشها بجنجلان محمر 

وبالصحة وراحة 

سلو بطريقة ممتاز بحكم الجميع

*-500غ اللوز مسلوق ومقلي ومهرمش 

*-500غ جنجلان منقي ومحمر ومطحون 

*-500غ الزبدة سبيسيال مدوبة 

*-500غ سكر كلاصي نوع مممتاز 

*-500غ عسل زمزمي (ضروري)

*-كيلو طحين فورص محمر ومغربل 

نصف رابعة نافع البلدي=125غ منقى ومطحون ومغربل 

*-معلقة صغيرة القرفة 

*-3درهم المسكة حرة

*-حبة كوزة

بعد ما يتغسل جنجلان وينشف ويتنقى 

طريقة هنا 

تنحمره في كسرولة من احسن 

كنتركه يبرد مزيااان ونقصو منو زلافة صغيرة 

تنطحنو نافع البلدي ونغربله 

تنعله في اناء كبير شيئا ما وتنضيف ليه جنجلان اللى حتفضت بيه بلا طحين 

وباقي تنطحنو مزياااان ونضف على مكونات سابقة 

اللوز حتى هو من بعد ما تسلق ونشف وتقلى تنهرمشه فقط ما تنطحنوهش 

كنحكُ الكوزة 

كنضيف القرفة 

وكنندق المسكة الحرة بهاد طريقة باش ما ضعش ليا في خلاط كهربائي 

وكنغربلها 

بما اني انا عملت غير نصف مقادير ادن غادي يخصني غير نصف كمية نتاع سكر كلاصي لهدا يستحسن يكون ماركة ماشي نتاع لعبار 

كنضفو حتى هو مع باقي مكونات 

وكنخلط الكل جيدااااااااا ونحاول نفك كويرات اللى غادي تتكون لينا 

كنترك الخليط جانبا ونمشي نحضر طحين 

كنخد الكمية مدكور ونعملها في كوكوط على نار متوسطة او مهيلة  باش يتحمر على خاطرو 

كنبقو نحركو  بستمرار ونعمل نفس العملية اللى ضاهرة في صورة

ملاحضة

ما لازمش يتحمر بلاقياس لانو كيجي سلو اللون ديالوغامق  ومداق كيصبح مر مع المدة لهدا غير يدهب  اللون فقط 

كنتركٌ يبرد وكنغربل مزيااان 

ونحك هاد كويرات 

وكنضيف للخليط الاول 

كنحرك الكل جيدا مرة اخرى 

وكندوب الزبدة ونزل منها ماء اللى تيبقا في قعر كسرولة ومن بعد تنضيف لعسل ونرد الكل فوق نار باش يدوب لعسل مزيان 

وخليط زبدة ولعسل ما زال سخون تنصبٌ مباشرة على خليط 

ونرد البال لان درجة حرارة تتكون مرتفعة 

وندلك الخليط فحال اللى تندلك العجين باش يشرب سوائل مزياان 

ها هو واجد 

كنترك يبرد مزيااان ونعمله في علبة من بلاستيك 

وممكن نحتفض بيه في مجمد كصبر اكتر من سنة 

وطرق تقديم كتيرة انا خترت منها هادي 

بالصحة وراحة

وكل عام وانتم بالف خير 

اللهم بلغنا رمضان