صلصة متالية لجميع اطباقكن

السلام عليكم ورحمة الله وبركاته 

هده صلصة كنت نزلتها مع وصفة بيتزا واليوم حبيت نعملها 

كموضوع مستقل 

وبصراحة صلصة متالية هدا ما نقول عليها 

مكونات

كيلو طماطم 

حبة جزر

بصلة صغيرة

فلفلة حمراء 

الطريقة 

تنضفو جميع الحضر المذكورة 

طماطم تنقطعها بقشورها 

الجزر حتى هو بطريقة عشوائية وكدلك الفلفلة

نزولو ليها زريعة تنقطعها وبصلة كدلك 

نعمل الكل في طنجرة ضغط مع إضافة كأس صغير الماء 

وتنغلق الطنجرة لمدة 20دقيقة تقريبا 

من ما طابت نتركها تبرد تماما 

نطحنها

نصفها

نرجعها لطنجرة 

ونضف لها 

ملعقة طماطم مركزة 

ملعقة زعتر 

ملعقة سكر حبيبات

ملح 

ابزار

فلفل الحلو (تحميرة )

زيت زيتون على الأقل ربع كأس او نصف 

ونتركها على نار متوسطة لحين احصل على كتافة مرغوب فيها 

صدقني أنها ممتازة 

وشكرا لصاحبة وصفة الله يجريها بالف خير رغم تعديل الشخصي 

ممكن نستعملها في جميع أنواع معجنات و بيتزا

وزعلوك والسمك ووووو

في امان الله .

لا تنسونا من صالح الدعاء ولكن بالمتل 

سلو صحي

السلام عليكم ورحمة الله وبركاته 

بلا مقدمات هدا سلو صحي لأصحاب الرجييم 

على بركة الله 

تقريبا طبق اصل سلو إللى نزلت سنوات سابقة كين اختلاف بسيط جداا

حاجتنا 

إلى نصف كيلو دقيق القمح الكامل محمر

300غ جنجلان محمر تنزولو من كمية تقريبا  100غ بلا ما نطحنه

300غ اللوز مكلي ماشي مقلي 

تنكلوه في مقلة وتنطحته بالقشرة ديالو في طحانة يدوية كما هو في صورة 

معلقة كبيرة حبة حلاوة محمرة و مطحونة

ملعقة نافع البلدي محمر و مطحون

ملعقة القرفة البلدية مطحونة 

لعسل الحر تقريبا 150غ

150غ زبدة لايت 

الطريقة 

بعد ما تنكلو اللوز ونطحنوه في طحانة اليدوية 

كما هو واضح 

بعد ما حرمنا الطحين 

تنحمرو جنجلان ونطحنوه

تنحتفضو ب100غ كما هو 

وبعد ما حمرنا نافع وحبة حلاوة

تنضفهم إلى طحين واللوز وجنجلان 

وجميع مكونات 

تندوبو زبدة قليلة الدسم 

ونسخنو لعسل و تنخلطه مع زبدة ونجموعو بيه

مكونات إللى حضرنا 

هدا هو لعسل مستعمل 

وبالصحة والراحة 

لا تنسونا من صالح الدعاء 

ولا أنسى سكر عالية سارة شكري ربي يحفضها ياربي امين 

في امان الله 

شباكية بطريقة صحية

السلام عليكم ورحمة الله وبركاته 

واللهم صل وسلم على أشرف الخلق وشفيع الأمة 

كما تنعرف أن الشباكية من اهم حلويات معتمدة عندنا في الشهر الفضيل

 تبارك الله جميع الحادكات يتعرفو يحضروها

اختلاف في هده إللى غنقدم ليكم أنها بطريقة صحية وأن صح القول شباكية رجييم وهكذا حتى ناس لي متابعين حمية يمكن ليهم بهده طريقة ياخد شباكية لكن بنضاااام

ولا أنسى شكر الأخت سارة شكري ربي يسر أمرها ونولها كل ما تتمنى بسببها قدرت نغير عادة السيئة ...... 

على بركة الله

حاجتنا

125غرام جنجلان محمر مطحون(سمسم ) 

125غرام من بدرة اللوز 

نصف كيلو دقيق الكامل 

2معالق الزيت 

معلقة نافع (يانسون )

قبضة ملح 

معلقة حبة حلاوة

معلقة صغيرة خميرة معجونة 

معلقة خميرة الحلوى (بكنج باودر)

كأس عتبة ممزوج ما بين ماء الزهر والخل

قبصة زعفران الحر 

وعسل حر إللى كان متوفراو عسل من نوع الجيد 

في إناء تنمزج نواشف

ونعجنهم بالخل والماء الزهر 

واللى حتجينا ماء نضفه القيل دافئ 

حتى نحصلو على عجين متماسك نكونو منو كويرات  

نتركها يرتاح 

في سطح العمل نشر بدقيق القمح نبسط 

العجين نقطعها  شراءط كما هو واضح 

نخلكم مع صورة توضح أكتر 

هده عملي

في 

صينية فرن مفروش بورق زبدة 

نزل شباكية بعد تشكلها ندخلها لفران سخون من قبل 

نعمل النار من التخت حتى يتغير لونها شيئا ما لوقت قصير

بعدها نعمل النار من الفوق يدهب لونها 

ونخرحها باش ما تجيش قاصحة 

هنا طابت 

نزلها من بعد ما خرجتها مباشرة في لعسل 

نعملها في كسكاس لنزول فائض العسل 

ونزينها بجنجلان محمر 

وبالصحة والراحة 

لا تنسونا من صالح الدعاء 

واللهم بلغنا رمضان يارب العالمين 

في امان الله 

العجين المورق بطريقة ساهلة ومضمونة

السلام عليكم ورحمة الله وبركاته

وعواشركم مباركة ان شاء الله وتقبل الله منا ومنكم صالح الاعمال يارب 

اللهم بلغنا رمضان غير فاقدين ولا مفقودين يارب امين

كما العادة اليوم نقدم ليكم العجين مورق بأسهل الطرق ما نحتاجه هو القليل من الصبر وأن شاء الله نتيجة ناجحة 

وعلى الأقل غادي تحضرو شهيواتكم بعجين تتعرف مكونات ديلها 

مكونات كتالي 

1-كيلو دقيق ابيض من نوع الجيد 

500غرام من الزبدة (حسب نوع معتمد من غير زبدة اللعب )

ملح +كأس ونصف ماء بارد (حسب نوع الدقيق مستعمل (

أولا 

في بلاستيك تنبسطو الزبدة بسمك سنتيم ويدخلها المجمد 

على الأقل نصف ساعة قبل استعمال

في إناء تنعمل الطحين والملح بدون إضافة الخميرة

نعجن مكونيين بالماء لحين احصل على عجين متماسك غير رطب وغير قاصح يعني بين وبين ندلكها وشوية ونتركها ترتاح قبل شروع في عملية التوريق

ابسط العجين فوق سطح مرشوش جيدا بالطحين 

تتوزع الزبدة في 1/4من العجين كما هو واضح 

تنرد الباقي من العجين اللي ما وضعنش فيه الزبدة فوق ربع العجين 

تنرد  فوقو الربع المتبقي من العجين كما في صورة  

تنعمل فتاحات العجين من الجبهة إللى انا غادي نبدء البسط 

تنبسط قدر الإمكان وفي تجاه واحد 

يعني اللي بديت البسط من الفوق التحت لازم وماكد نبسط العجين هكدا لآخر مرحلة هدا هو اللي كيساعد العجين تصبح كالورق

مرة الاولة تنطوي العجين على 4وندخلها المجمد ربع ساعة 

نرش سطح العمل بالطحين ونورق الجين جيدااااا في تجاه نفسو 

وقد ما بسطنا العجين وكانت رقيقة كانت نتيجة مميزة وناجحة 

تنطوي مرة 2العجين على 3

وندخلها للمجمد ترتاح ربع ساعة 

نبسطها مرة 3 مع احترام خطوات سابقة 

ونطويها على 4

وبالصحة والراحة 

نتيجة ممتازة الحمد لله ما نحتاجه هو تطبيق نصائح والقليل من الجهد 

نصيحة للأخوات اللي أول مرة يعمل عجين مورق يعملو 

500غرام طحين و رابعة الزبدة لأن كمية كيلو أكتر تعب من نصف كيلو 

هنا تنقطعها حسب كمية المستعملة ونتحفض بها في المحمد أطول وقت ممكن بشرط تكون ملفوفة جيدا في بلاستيك غداءي 

وتنحضرو بها كل معجنات 

ملاحظة اللي رغبتنا نعمل بها الشنيك والكروصون ما علينا إلا إضافة الخميرة والسكر 

هنا استعملت بها ليشوصون وحتفضت بيهم لحين التقديم 

لا تنسونا من صالح الدعاء 

في امان الله