طـــــرطة بالبسكوي والحليب المركز المحلى

مقادير 

220غرام بسكوي مطحون ومغربل

150غرام زبدة سبسيال في حرارة المطبخ 

حك حليب المركز محلى

ياغورت بنكهة فاني 

عصير حامضة كبيرة 

طريقة 

كنعجنو البسكوي بالزبدة 

حتى نحصلو على خليط مرمل 

نتركه على جنب 

نحضرو لكريمة 

في اناء نصبو لحليب 

والياغورت 

ونمزجهم مزيااان 

من بعد نبدو نضفو عصير حامض بتدريح حتى نحصلو على خليط تقيل 

فحال هاكا 

في مول كنبسطو العجين اللى حضرنا من البسكوي وزبدة 

ونصبو فوقها لكريمة 

ونسرحها بشكل منضم وندخلها لتلاجة  وتقدم بااردة 

وتزين بقطع من الفواكه 

وبالصحة وراحة 

كيـــــك بالكاكاو وكريمة الــڭاناش

مقادير 

3بيضات 

3خمرات

كاس حليب

كاس ونصف سكر سنيدة

كاس زيت

كيس فاني 

3معالق  شكلاط غبرة الكاكاو 

2كسان الطحين ممتاز 

لتحضير كريمة الڭاناش 

100غرام شكلاط اسود من نوع جيد 

كاس ياغورت او كاس القشدة طريقة

ملعقز صغيرة زبدة (لإعطاء المعان )

ولسقي الكيك 2معالق صغار القهوة سريعة الدوبان في كاس  ماء دافئ 

اللوز افيلي 

طريقة 

نطربو البيض +سنيدة حتى يتضاعف حجمهم 

نضفو الكاكاو+فاني ونخدمهم جيدا 

واخير نضفو لخميرة+طحين 

ونمزجو جميع عناصر مزياااااااااان 

في مول حسب الرغبة مدهون بالزبدة ومرشوش بالطحين كنصبو فيه خليط اللى حضرنا 

والى الفرن مباشرة ( حتى ندخلها للفرن عااد نشعله )

لما كتقرب الطيب 

كنحضرو

كاس ماء دافئ ممزوج مع 2معالق القهوة 

مباشرة بعد  ما نخرجها من الفرن 

كنصبه عليها مباشرة 

ونتركها تبرد مزياان 

(ممكن نستغنو على سقيها )

نمشو نحضرو كريمة الڭاناش اللى ممكن نستعملها لجميع انواع الكيك كتزين 

في حمام مريم كندوبو الشكلاط 

من بعد ما يدوب كنضفو عليه كاس اليغورت 

او كاس القشدة طريقة 

(نفس النتيجة )

ولما يتمزجو عنصرين جيدا 

كنصبو لكريمة محصل عليه فوق الكيك مباشرة وهي مازال سخونة 

وكيك ضروري تكون باااردة مزيااان 

ونرشها باللوز افيلي او مهرمش 

وندخلها لتلاجة نصف ساعة تقرببا  ونقدمها

بالصحة وراحة