ڭراتان بالپات ودنجال

حياكم الله بالخير اتمنى من الله ان تكونو في أثم الصحة والسعادة وعطلة ونهاية اسبوع سعيدة ان شاء الله 

شهيوتنا اليوم شهيوة بسيطة ولكنها رائعة كما العادة البساطة والمعاصرة 

على بركة الله 

مكونات والطريقة في نفس الوقت 

2دنجلات متوسطات مقطعين بهاد الشكل طولي 

تندهنهم بالملح وتنعمل شريحة فوق من شريحة كما هو واضح 

ونتركهم جانبا 

تنحتجو ليبات من هاد النوع او من اي نوع اخر المهم بهادي تتجي مزيانة ولكم واسع النضر 

تنغلي الماء وتنعمل فيه الزيت والملح ونسلق ليبات ونصفها ونشللها بالماء باش ما تزيدش في طيبها وما تلسقش مع بعضها ونتركه حتى هي جانبا 

في اناء تنحك 4المطيشات (طماطم)

2فصوص الثوم 

وتنضيف التوابل اللى هي 

ابزار/القليل من الملح/الخروقم البلدي/التحميرة /وسكنجبير 2معالق من مركز الطماطم وطبعا الزيت غير شوية 

تنعمل الكل على نار متوسطة يطيب على خاطرة 

ومنين تصبح صلصة جاهزة تنضيف لها ورق موسى 

والربيع مقطع ونزولها من على النار 

تنخد الدنجال وتجبرو فحال هاكا

تنقطعو لمربعات ونقله في حمام زيت ممكن نمره في الطحين وممكن نقلوه مباشرة 

في مول خاص تنفرش القليل من صلصة ونوضع فوقها ليبات 

نرش القليل من الدنجال 

وصلصة والفرماج 

ونعاود طبقة اخرى بنفس الرتيب 

واخير تنحاول ندخل الصلصلة بعمل فجوات بالمعلقة كما في الصورة 

تنرشها بالفرماج وندخلها للفرن 

واخيراا هاكرتان ديالنا وااجد مممممممممم ياسلام 

بالصحة والراحة 

الكيش بالطون وصلصة البشاميل

تحية طيبة للجميع تحية كلها حب وتقدير تحية كلها شكر لكل من تقول كلمة طيبة في حقي وحق المدونة 

يعجز لساني على تعبير صدقوني كل ما اجد تعلقتكن الرائعة لا في الفيس ولا في منتدى للاة مولاتي ولافي اي منتدى غاليتي جزاكن الله الف خير ووفقكن 

بسم الله 

هدا الكيش ما نقولكمش عليه بصراحة رروعة ررروعة 

نعطيكم مكونات والطريقة في نفس الوقت ان شاء الله 

دائما تنحضر الكيش بالعجين مرمل وانتن لكن اختيار ستعملو العجين المفضل عندكم 

250غ الطحين 

125غ الزبدة بحرارة المطبخ 

القليل من لخميرة المعجونة 

بيضة 

ملح 

قليل من الماء 

تنمزج الطحين والخميرة والزبد وملح حتى نحصل على عجين  مرمل ونترك تقربنا 5دقايق 

من بعد تنضيف البيضة ونمزج الكل وتنضيف شوية الماء اللى بقات ليا لعجينة ما مامجموعش 

وما ندلكهش غير نخلطها ونتركها في التلاجة ترتاح 30دقيقة

وتنمشي نحضر الحشوة في مقلة تنحمر البصلة بعد ما قطعتها الرقيقة في بالزيت  الطون اللى زولت من العلب وملح وابزار 

ومن  بعد ما تطيب تنتركها تبرد شوية با شما تقطعش ليا العجينة 

وتنحضر الفطر من بعد ما عملتو في الماء ساااخن حتى صبح جاهز للاستعمال وقطعتو حتى هو 

تنصفي زوج العلبات الطون من الزيت وهو اللى طيبت فيه البصلة (تحت شعار حتى حاجة ما ضيع )

تنمزج الحشوة مع  اضافة القليل من زعيترة عوض الكوزة وممكن نتما تستعملوها ادا كانت مفضلة عندكم طبعا 

بعد مرور اوقت المدكور تنخد العجين ونبسط وندهن المول مخصص للكيش بالزبدة ونرش بالطحين ونزل فيه العجين ونزول الفائض (ونحتفض به في المجمد لحين نجمع كمية مهمة ونستعملها ان شاء الله )

وتنحضر صلصة البشاميل 

تنضن الكل عارف الطريقة ومكونات بلا ما نضيع الحجرة ختكم فيها الموت د النعاس  ههههه 

بعد ما نكون بسطت العجين في المول تضيف فوقها الحشوة وتنرش بالقليل من الفرماج احمر مبشور 

وما قبل اخير تنضيف صلصة البشاميل ونسرحها بطريقة متساوية فوق من الحشوة  وندخلها للفرن يكون مسخن من قبل لحين الطيب 

 اخير الفرماج على وجها وندخلها يدوب 

وها هو الكيش ديالنا شهوة منوووووووووو 

يستحق التجربة 

لاشارة هاد الحشوة هي بأصل فيها الطون والبصلة وصلصة بالشاميل والكوزة وهي للاختى وصدقتي ريحانة كمال ربي يحفضها 

انا عملت تغيروأضافة  وكانت نتيجة جدا رررائعة  وانا متاكد

 لو عملتها بنفس مكونات  لختى ريحانة كانت غادي تكون نتيجة هي هي وهي انها رروعة هههههههه 

بالصحة والراحة 

عربون حب وتقدير لصديقات المدوتة