بسيطلات الحوت بطرقتي مممم اللهم اني صائمة

صباح مبروك ان شاء الله وتقبل الله منا ومنكم صالح اعمال وقدرنا واياكم على صيام وقيام هدا الشهر الكريم ياربي اامين 

على بركة الله 

الطريقة +المكونات في نفس الوقت 

حجتنا ل 

الكلمار+القمرون+واي نوع السمك ابيض 

انا ستعملت شرائح البانكا 

هاد نوع د السمك عجيب سبحان الله في رمشة عين تيطيب سوى في الفران او مقلي او سوتي 

المهم تنقطعها على هاد الشكل 

ونقطعو حتى الكلمار مربعات صغار 

وتنعملهم بزوج في مقلة ونطيف ليهم الزيت البلدية 

والزبدة +الملح الصيني تيعطني مداق ممتاز لجميع انواع البسطيلة ولنيم ولكن غير المالحين فقط 

على نار متوسطة تنشحر مكونين 

وتنحك القليل من سكنجبير الطري والثوم +الحامض مصير 

ونضفهم للمقلة 

نضيف القمرون 

والعطرية 

لهريسة ابزار وعطرية البسطيلة 

نمزج مكونات جيدا وادئما على نار متوسطة 

نخفض من النار شوية 

ونمشي نحضر الفطر اسود 

تنقع في الماء ساخن لمدة 5 او اقل ومن بعد تنصفيه ونقطع كما هو واضح 

حتى هو تنضف ونكون زولت المقلة من فوق النار 

نحضر الشعرية الصنية الكل تيعرف الطريقة 

ونقطعها  

ونضفها حتى هي للخليط 

ونضيف المعدنوس كمية مهمة 

القليل من صلصلة الصوجا 

ونمزج الكل جيدااااااااااااا 

تنحتفض بالخليط حتى يبرد ونعمل في علبة ونترح على اقل لليلة كاملة في التلاجة اي حشوة وخا تكون غير ديال لمسمن تنتركها ترتاج مزيان 

قبل ما نخدم بيها

تنخد علبة فحال هادي هي في اصل ديال الزبدة 

او هدا الغطاء ديال انوي متوسط الحجم 

كان سبق للاخوات سولوني عليه 

تنحتاج كيلو د الورقة

والزبدة او الزيت  والبيض  

تندهن الوقة 

تنفرشها في القالب اللى كما هو موضح 

نعمل القليل من الحشوة 

وتنخد اي نوع من الفرماج 

نوضح قطعة فوق الحشوة 

ونغطها بكمية اخرى منها 

تنجمع جميع الجوانب د الوقة 

نفرش ورقة اخرى ونقلب فيها القالب 

عاود نجمع الجوانب ونسد بالبيض هدا اللى كنت غادي نطيبهم في الفران اما ادا كانو غادي تقلو نفضل تسدهم بالطحين والماء 

هدكا حتى نكمل الكمية اللى عندنا من الحشوة 

وتندخل البلطو هاكا للمجمد حتى يجمعو روسهم 

ونعمكلهم في اكياس بلاستكية والى المجمد لعين استعمال 

ملاحضة

 شاط ليا من الحشوة ضفت لها الفرماج متلت و زيتون اخضر مقطع وعمرت بيها البطبوط جات ررروعة ما شاء الله وخا فيها الشعرية صنية 

تحت شعار حتى حاجة ما ضيع ههههههههه 

وبالصحة والراحة 

اللهم دمها نعمة وحفضها من الزوال ياااااااااارب 

الشباكية ورمضان مبارك كريم للجميع

كيف حال الجميع ؟؟ 

ان شاء الله غادي نعطيكم مكونات لشباكية اقل ما يقال عليهم ررائعين رغم بسطاتهم لكن رروعة  لاني خديتهم من عند سيدة مختصة فيها الله يجزيها بالخير وجربتها كانت النتيجة  ممتازة وكما تتخدمها هي لناس غير انا ضفت عليها اللوز فقط  لان اللوز تيخلي الشباكية تجي معالكة 

نبدو على بركة الله 

ولكن ما ضحكوش عليا راني 0في تشباك هههههههه لكن المهم هي المشاركة 

كترت عليهم الهضرة الهضرة كتر من المكونات هههههههه لكن ما كين باس شوية ديال اُثارة وتشويق تقول حنا في سينما الله يسمح ليا ههههههه 

اجي شكوون الى ما زال ما حضرت الشباكية ؟؟ 

صافي صافي انا غادي نبدء ما تعصبوش هههه 

صلو على النبي الحبيب في هاد الساعة المباركة 

اللهم صلي على سيدنا محمد وعلى آله وصحبه 

وسلم تسليما كثيرا

اولا تنحضر لعسل في كسرولة 

رابط لعسل 

هنـــــــــــــــــــا

تنضيف ليه ما يعادل 250غ من لعسل الحر او دات جودة عالية 

ونترك الكل جانبا 

المقادير 

كيلة الطحين من نوع الجيد 

كأس مخلط الزيت الرومية والبلدية 

كأس الماء زهر (العامري)

1/2كاس الخل 

بيضة

قبصة الملح 

قبصة زعفران الحر 

خميرة الحلوة

1/2م ص خميرة المعجونة 

250غ جنجلان 

125غ اللوز مسلوق ومقشر 

معلقة صغيرة القرفة  البلدية ما عمرش مزيان 

معلقة كبيرة حبة حلاوة مضحونة  او النافع حتى هي ما عمراش 

5درهم المسكة الحرة ديال لعبار ماشي اللى تتباع في ساشي 

وجنجلان محمر لتزين 

الطريقة 

تنضحن جنجلان هو والمسكة الحرة في مرة وحدة 

ونضحن كدلك اللوز 

في اناء تنعمل النواشف

 اللوز /ملح/حبة حلاوة/لخميرة بنوعيها / جنجلان / القرفة/زعفران 

وفي قصرية تنعمل كيلو الطحين 

ونضيف ليه مكونات المدكورة 

ونمزج الكل جيداااااااااااااااااااااااا 

نضيف الخل 

الزيت مخلطة

الماء الزهر 

والبيضة 

ونعجن العجين جيدا واللى ما تجمعتش تنضيف الماء دافئ مخلط مع الماء زهر 

هنا تجمعات العجين 

تنزلها في سطح العمل وعريو على كتفكم اللى عندكم شي كتاف هههههههه  ودلكوها لمدة 5 دقايق فقط لانها هي رطبة من الاول والخدمة بيها غزالة 

من بعد تنكونها كورات بحجم متوسط 

ونرجعها للقصرية ونغطيها ببلاستيك جيدا باش ما تنشفش ليا وتشقق

نبسط كورة الاولة بالمدلك او بإدي 

تنقسمها على هاد الشكل 

ونبسطها كما هو واضح مرة اخرى 

وندوزها في المكينة اللى كانت متوفرة عندكم 

وتنبدء في عملية ما قبلة الاخيرة 

العملية مفهومة عند الجميع 

المهم تنقطعها على شكل مربع 

ونعمل 3شرائط او 4

بحيت في تشباك تنهزو وحدة ونطلقو وحدة 

والباقي ختكم زرقة فيه غير تنكور وخلاص ههههههههه 

المهم ها نتيجة 

وبلا ضحك هههههههه 

كنبقو على هاد المنوال حتى نكملو الكمية اللى عندنا 

وهاهي بسلمتها غير وحدة تنسيك في اخرى ههههههه لخبار في راسكم 

وعملت الزيت في طنجرة الضغط حتى سخن مزززززززززيان 

ونبدء نقليها 

ونطفيها في  لعسل اللى هو دافئ 

ونزلها في كسكاس حتى ينزل الفائض لعسل ومنرشهاش وهي في الكسكاس  بجنجلان حتى نعملها في مكنهاها النهائي 

باش ما يفسدش لينا لعسل ونبدء نصفي فيه 

كما هاكا 

وهاااااااااااااااااااااااااااااهي لالة الشباكية المداق وووووووواووو اما المنضر يجيب الله قبلو عليا ههههههههههه 

للامانة رررروعة هشيشة واللديدة لا تقاوووم 

وبالصحة والراحة 

وعواشركم مبروكة والله يتقبل منا ومنكم صالح اعمال 

يا رب

وهنا منين عملتها في علبة واااااااالى المجمد 

ولكن حتى برررداة 

ولا نسونا من صالح دعائكم 

دمتم في حفض الرحمن